Bytingar.
Det var mykje tale um bytingar i gamle dagar. Var småborn
jamt sjuklege, trudde folk det var trolldom med i spelet. Serleg
tussane var leide til å byta til seg menneskeborn og leggja tus-
seborn i staden. Slike "bytingar" vaks fælt lite. Berre hovudet
vaks og vart til eit stort og stygt gamalmannshovud. Men
kroppen vaks ikkje.
Det var idiotane dei kalla bytingar. Um ein slik byting had-
de det vorte sagt: " stakkar han er jordsmetta og,
han." Dei skar hol i ei tuve og smetta barnet igjenom. Denne
jordsmettinga var ei råd som dei prøvde med born som såg ut
til å vera bytingar.
Det var so merkeleg. Ein gong såg dei ein byting som leika
seg. Han snakka og prata som um dei var mange i lag, og han
tedde seg slik at det såg ut som han hadde ein heil flokk leike-
sysken kring seg. Men dei som såg på, kunde ikkje sjå andre
enn han åleine.
Dei kunde elles sjå etter, um eit barn var ein byting eller
ikkje; men då måtte dei laga til noko "einsert" som bytingen
aldri hadde set fyrr. Når so alle var ute, og bytingen var inne
åleine, skulde det visa seg um det verkeleg var ein byting.
Ein stad hadde dei kokt i eit eggeskal og brukt ein humle-
stengel til turu. Då so alle gjekk ut, vann ikkje bytingen halda
seg lenger. Han laut burtåt og sjå. So sa han: "Æ e gammel som
virota. Æ hi set Tydalsskojen sju gong rynny og tri gong
brynny; men aller hi æ set so liten 'n kok åt so stor 'n hop."
Ein annan stad var det ei kjerring som skulde sjå etter um
barnet hennar var ein byting. Julkvelden sette ho på og skulde
koka graut i eit eggeskal. Då høyrde ho det snakka, og ho tykte
plent det kom frå vogga: "Æ e gammel som måsså på rot. Men
aller hi æ set so liten 'n kok åt so stor 'n følkhop."
Dei trudde venteleg at når dei fekk bytingen til å tala slik,
og han med det viste kva kar han var, skulde dei bli kvitt han og
få att rette barnet.