rigs kyi bu dag ji tsam du don 'di śes par bya ba'i phyir 'di dper byas pa ste |
brag gcig tu mkhregs śiṅ sra ba źas bya ba de (7) ni 'du byed kyi rnam pa kun nas nyon moṅs pa daṅ | gnyis la so sor nye bar gnas pa'i tshig bla dags so ||
'og na yid bźin gyi nor bu rin po che'i gter chen po źes bya ba de ni rnam par mi rtog pa'i dbyiṅs kyi tshig bla dags so ||
yid bźin gyi nor bu rin po che'i gter chen po 'dod (4b1)pa'i mi źes bya ba de ni byaṅ chub sems dpa' sems dpa' chen po'i tshig bla dags so ||
gter chen po mṅon par śes pa'i mi źes bya ba de ni de bźin gśegs pa dgra bcom pa yaṅ dag par rdzogs pa'i saṅs rgyas kyi tshig bla dags so ||
brag ces bya ba de ni raṅ bźin la (2) rnam par rtog pa'i mtshan ma rnams kyi tshig bla dags so ||
rkos śig ces bya ba de ni yid la mi byed ces bya ba'i tshig bla dags so ||
dṅul du snaṅ ba'i rdo źes bya ba de ni gnyen po la rnam par rtog pa'i mtshan ma rnams kyi tshig bla dags so ||
gser du snaṅ ba'i rdo źes bya ba de ni (3) stoṅ pa nyid la sogs pa la rnam par rtog pa'i mtshan ma rnams kyi tshig bla dags so ||
rin po che sna tshogs su snaṅ ba'i rdo źes bya ba de ni thob pa la rnam par rtog pa'i mtshan ma rnams kyi tshig bla dags so ||
yid bźin gyi nor bu rin po che'i gter chen po rnyed ces bya ba de ni rnam (4) par mi rtog pa'i dbyiṅs la reg pa'i tshig bla dags so ||
rigs kyi bu dag de ltar dpe nye bar bkod pa 'dis rnam par mi rtog pa'i dbyiṅs su 'jug pa khoṅ du chud par bya'o ||