dge sloṅ gis nor bu len na bdar ba len na ltuṅ byed du ’gyur la | ma bdar ba len na ñes byas su ’gyur ro || nor bu ji ltar ba bźin du mu tig daṅ || (2) bai ḍūr+Ya daṅ | man śes dkar po dzaṅ | byi ru daṅ | dṅul daṅ | gser daṅ | rdo’i sñiṅ po daṅ | spug daṅ | dmar po daṅ | g-yas su ’khyil pa dag kyaṅ de bźin no || tha na nor bu mchiṅ bu len na yaṅ ñes byas su ’gyur ro || dge sloṅ gis mgul rgyan (3) len na ltuṅ byed du ’gyur ro || mgul rgyan ji lta ba bźin du gdu bu rgyan can daṅ | dpuṅ rgyan daṅ | do śal daṅ | se mo do yaṅ de bźin no || tha na sog ma’i phreṅ ba len na yaṅ ñes byas su ’gyur ro || dge sloṅ gis pi baṅ len na rgyun daṅ bcas pa len na ltuṅ byed (4) du ’gyur la | rgyud med pa len na ñes byas su ’gyur ro || pi baṅ ji lta bde bźin du ’od ma daṅ | bal la ri daṅ | ma ha ti daṅ | su g+ho śa ka yaṅ de bźin no || tha na mchu sbraṅ len na yaṅ ñes byas su ’gyur ro || dge sloṅ gis duṅ len sgral ’byin pa len na ltuṅ (5) byed du ’gyur la | sgra mi ’byin pa len na ñes byas su ’gyur ro || duṅ ji lta ba bźin du rṅa bo che daṅ | rṅa paṭa ha daṅ | rdza rṅa yaṅ de bźin no || tha na rdza rda kha gcig pa len na yaṅ ñes su ’gyur ro || dge sloṅ gis gźu len na rgyud daṅ bcas pa len na ltuṅ byed du ’gyur (6) la | rgyud med pa len na ñes byas su ’gyur ro || gźu ji lta ba bźin du ral gri daṅ | ral gri kyog po daṅ | ral gri so gñis pa daṅ | mduṅ daṅ | ’phaṅ mduṅ daṅ | lcags kyo yaṅ de bźin no || tha na gźu’u len na yaṅ nes byas su ’gyur ro || dge sloṅ (7) gis mda’ la len na med ’u daṅ bcas pa len na ltuṅ byed du ’gyur la | mde’u med pa len na ñes byas su ’gyur ro | mda’ ji lta ba bźin du lcags mda’ daṅ | mda’ phyed lcags las byas pa yag de bźin no || tha na mda’ ltar bcos pa len na yaṅ ñes byas su ’gyur (241a1) roM|| dge sloṅ gis sku gzugs len na sku gduṅ daṅ ba cas pa len na ltuṅ byed du ’gyur la | sku gduṅ med pa len na ñes byas su ’gyur ro || ston pa’i ’du śes ñe bar bźag ste len na ltuṅ ba med do || las dad po pa daṅ | skyos pa daṅ | sems (2) ’khrugs pa daṅ | tshor bdag gis ñen pa la ltuṅ ba med do || dge sloṅ rnams the tshom skyes nas the tshom thams cad gcod pa saṅs rgyas bcom ldan ’das la źus pa | btsun pa ri dgas ’dzin gyi ma sa gas las ci źig bgyis na las de’i rnam par smin pas nor chab mi (3) ’tshal bar ’gyur | bcom ldan ’das kyis bka’ stsal pa | dge sloṅ dag ri dgas ’dzin gyi ma sa ga ñid kyis las tshogs rñed pa | rkyen yoṅs su bsgyur ba | ’od pa bźin du ñe bar gnas pa | gdon mi za bar ’gyur ba dag byas śiṅ bsags pas | ri dgas (4) ’dzin gyi mas gñid kyis las byas śiṅ bsags pa dag gźan su źig gis so sor myoṅ bar ’gyur | dge sloṅ dag las byas śiṅ bsags pa dag ni phyi rol gyi sa’i khams la rnam par smin par mi ’gyur | chu’i khams la mi ’gyur | me’i khams la mi ’gyur | rluṅ gi (5) khams la mi ’gyur gyis | ’di ltar las dagate ba daṅ mi dge ba byas śiṅ bsags ba dag ni zin pa’i puṅ po daṅ | khams daṅ | skye mched dag la rnam par smin par ’gyur te | las rnams bskal pa brgyar yaṅ ni || chud mi za ba’aṅ tshogs dad dus || rñed na lus can (6) rnams la ni || ’bras bu dag tu ’gyur ba ñid || dge sloṅ dag sṅon byuṅ ba bskal pa chen po bzaṅ po ’di ñid la skye dgu’i tshe lo ñi khri thub pa na | ston pa de bźin gśegs pa dgra bcom pa yaṅ dag par rdzogs pa’i saṅs rgyas rig pa daṅ źabs su ldan pa | bde bar (7) gśegs pa | ’jig rten mkhyen pa | skyes bu ’dul ba’i kha lo sgyur ba bla na med pa | lha daṅ mi rnams kyi ston pa saṅs rgyas bcom ldan ’das ’od sruṅ źes bya ba ’jig rten du byuṅ ṅo || gaṅ gi tshe yaṅ dag par rdzogs pa’i sags rgyas ’od sruṅ gis saṅs rgyas kyi mdzad (241b1) ma mtha’ dag mdzad nas | phuṅ po lhag ma med pa’i mya ṅan las ’das pa’i dbyiṅs su yoṅs su mya ṅan las ’das pa de’i tshe na | rgyal po kr-i kī źes bya ba rgyal srid ’byor pa | rgyas pa | bde ba | lo legs pa | skye bo daṅ mi maṅ pos giṅ ba | thab mo daṅ | (2) ’thab pa daṅ | ’khrugs loṅ daṅ | naṅ ’khrugs rab tu źi ba | chom rkun daṅ | mu ge daṅ | nad daṅ bral ba | sā lu daṅ | bu ram śiṅ gi phreṅ ba daṅ | ba laṅ daṅ | ma he phun sum tshogs pa byed du ’jud pa | chos daṅ ldan pa | chos kyi rgyal po (3) chos kyi rgyal srid byed du ’jug pas rin po che sna bźi las byas pa’i mchod rten rgyaṅ dpag tshad gcig pa | ’phaṅ du dpag tshad phyed pa byed du bcug go || de na bud med rgan mo skyabs su ’gro ba daṅ | bslab pa’i gźi blaṅs pa gcig cig | bcom ldan ’das yaṅ dag (4) par rdzogs pa’i saṅs rgyas ’od sruṅ gi mchod rten la bsñen bkur byed ciṅ ’dug go || de nas rgyal po kr-i kī dpyid kyi dus kyi tshe śiṅ ljon ba me tog kha bye źiṅ ’bras bu rgyas pa | daṅ pa daṅ | khruṅ khruṅ daṅ | rma bya daṅ | ne tso daṅ | ri skegs daṅ | khu byug daṅ || (5) śaṅ śaṅ te’u sgra ’byin pa’i tshal gseb dag tu | btsun mo’i ’khor daṅ lhan cig skyed mos tshal gyi sar byuṅ nas | rgyal po de myur ba myur bar yaṅ bā rā ṇa sīra źugs so || btsun mo’i ’khor gyis sna ma’i yal ga dag la mu tig gi chun po dbyaṅs te khrus bya bar brtsams (6) pa daṅ | des rgyal po myur ba myur bar bā rā ṇa sīra źugs pa thos nas | de yaṅ brtad pa daṅ bcas pas mu tig gi chun po brjed de bor nas bā rā ṇa sīra źugs so || bud med rgan mo des mu tig gi chun po de mthoṅ nas | des mu tig gi chun po de smrug ma la btags te (7) bźag go || bud med kyi yul ni rgyan la ñe bar spyod pa yin pas | des phyi de ñin par rgyan de dran nas | des rgyal po la gsol pa daṅ | rgyal pos źo śas ’tsho ba dag der btaṅ nas | de dag gis mu tig gi chun po smyug ma la btags pa de mthoṅ ba daṅ | de (242a1) dag gis bud med rgan mo de la dris pa | mu tig gi chun po ’id sus smyug ma la btags te bźag | rgan mos smras pa | kho mos so || de dag gis mu tig gi chun po de rgyal po la phul ba daṅ | rgyal pos źo śas ’tsho ba dag la smras pa | khyod cag (2) gis de ga las rñed | de dag gis smras pa | bud med rgan mo źig gis smyug ma la btags te bźag pa de nas bdag gis rned do || rgyal pos smras pa | bud med rgan mo de bos śig | de dag gis de bos te smras pa | lha bud med rgan mo de ’di lags so || (3) rgyal pos smras pa | khyod kyis mu tig gi chun po ’di smyug ma la btags te bźag pa bden nam | rgan mos smras pa | lha mad do || rgyal pos smras pa | khyod de la ’dod pa ma skyes sam | rgan mos smras pa | lha bdag gis bcom ldan ’das yaṅ dag par (4) rdzogs pa’i saṅs rgyas ’od sruṅ gi spyan sṅa nas skyabs su mchi ba daṅ | bslab pa’i gźi dag blaṅs pas bdag gźan gyi rdzas la ’dod pa’i chos skyed par ga la ’gyur | rgyal po dga’ nas des de la mu tig gi chun po de ñid bya dgar byin te | khyod kyir gyur gyi soṅ śig (5) ces smras so || rgan mo des mu tig gi chun bo de khyer te btsoṅs nas | bcom ldan ’das yaṅ dag par rdzogs pa’i saṅs rgyas ’od sruṅ gi mchod pa daṅ | bsñen bkur byas te źabs gñis la gtugs nas smon lam ’di skad ces | bdag dge (6) ba’i rtsa ba ’dis nor chud mi za bar gyur cig ces btab bo || dge sloṅ dag de’i tshe de’i dus na bud med rgan mo gaṅ yin pa de ni ri dgas ’dzin gyi mas ga ’di ñid yin te | ’dis de’i tshe smon lam de ltar btab pa’i las de’i rnam par smin pas nor chud mi za bar gyur to || (7) dge sloṅ dag de ltar na las gcig tu gnag pa rnams kyi rnam kyi rnam par min pa yaṅ gcig tu gnag pa yin | las gcig tu dkar ba rnams kyi rnam par smin pa yaṅ gcig tu dkar ba yin | las ’dren ma rnams par smin pa yaṅ ’dren ma yin no || dge sloṅ (242b1) dag de lta bas na las gcig tu gnag pa daṅ | ’dren ma rnams spaṅs te las gcig tu dkar ba rnams la btsal bar bya ste | dge sloṅ dag khyed kyis de ltar bslab par bya’o || loṅs pa’i gźir gtogs pa’i ltuṅ byed de lta bcu rtsa dgu pa rdzogs s+ho || || (2) ’dul ba rnam par ’byed pa | bam po drug bcu pa |

.