ger Notker ca. 950-1022 A.D.51. DE OFFICIO ORATORIS.
Híer máht tu gehôren . uuîo man sól suadere. Ze démo úns léido íst . únde dén uuír fóne díu skíhên . álso álle die líute tûont . aduersam fortunam . ze démo mág man únsih lúcchen . úbe man úns sô mánige túgede begínnet fóne ímo ságen . únde sô mánigíu lîebt kehéizen . sô nû philosophia tûot . fóne déro sélbûn aduersa fortuna. Sî líubet úns sia ze zuéin uuîsôn . íoh sîa lóbôndo . ióh prosperam skéltendo. Uuér máhti aduerse fortune gûotes ketrûên ? Sélbêr dér námo dero aduersitatis . tér léidêt sia. Tára-gágene tríutet síh áber dér námo prosperitatis . tér fóne démo nâh-kânden uuínde sô gespróchen íst . táz chît a porro spirando. Sîd áber nû mít prospera nîeht stâtes neíst . sô sî sia zíhet . nóh nîeht kuísses . únde sî die líute zóhet . únde íro mûotes pehéftet . únde sî fílo gûotlicho tûondo . síh lîchesôt táz uuésen . dáz si neíst . únde sô man állero uuíllôn ze íro uuânet . táz si dánne álles káhes síh uuéhselôndo . dén mán erstúzzet . uuémo sól si dánne gûot túnchen ? Úbe áber aduersa uirtutis magistra íst . únde sî ze góte léitet . únde perfectos máchôt . únde celo dignos . álso sî sia gelóbôt hábet . nesól úns tánne mit réhte díu gûot túnchen na ? Uuáz mág stárcheren sîn ad persuadendum . dánne daz lób íst ? Rhetorica chît . táz occitium oratoris sî . apposite dicere . ad persuadendum . táz chît spénstîgo chôsôn. Neíst tís spénstîgo gechôsôt na ? Uuér chán dáz sô uuóla sô philosophia ? Pedíu sólen uuír íro gelóuben . dáz aduersa fortuna bézera sî . dánne prospera.
52. DE AMORE QUI AMICITIAS FIRMAT . ET OMNIA LIGAT.
http://www2.hf.uio.no/common/apps/permlink/permlink.php?app=polyglotta&context=record&uid=0a4e2629-1c9b-11e2-b349-001cc4ddf0f4