Huldrgjentur.
Huldrgjentune var venare enn andre gjentur aa sjaa til,
med langt haar og lange rovur. Dei var klædde i raudt liv og
grøn stakk.
Ein gut skulde til sæters etter kløv og fór framum ei gamall
utlagd sæter. Inni budi fekk 'n høyre slik speling og leven, og
so krabba 'n upp paa take og kikka ned i eit hol. Daa saag 'n
ei ven gjente med krune paa hovude, og rundt ho dansa det
mange andre gjentur med lange rovur. Guten treiv tollekniven
sin og kasta over gjenta. Det vart eit skrik, og burte var dei alle
saman so nær som ho med kruna. Han gjekk inn i budi til ho,
men ho var ikkje so ven lenger. Eit bil etter vart dei gifte, og
ved altare datt rova av ho.
Ei stund livde dei godt og væl forlikte saman; men ein dag
tok dei til aa trette. Daa tok ho ein hestesko og vrei tvert av
framanfyre nasan paa mannen sin. Sea sat det ein kvekk i 'n
so 'n torde ikkje erte ho upp meir.