Kom draugen i båten, spådde det feigd. Slo draugen seg ned

i eit båtrom, så skulde det snart koma burt ein mann frå det

romet. Eingong høyrde dei ein draug som rusla framme i båten.

Han kom lenger og lenger attover. For kvart rom sa han: "Her

høv' det 'kje! Her høv' det 'kje!" Så kom han like på agnbiten.

"Her høv' det!" sa han. Då sprang høvesmannen i atterromet

og sette agnsaksa igjenom draugen, så ho stod fast i biten. "Høv'

det for deg, så høv' det for meg og!" sa han. Med det vart

draugen liggjande. Morgonen etter var det ingen draug i båten.

Det sat berre eit stykke brusk fast med kniven i biten.