bsñen par rdzogs par mi bya ba gaṅ źe na | pha bsad pa daṅ | (5) ma bsad pa daṅ | dgra bcom pa bsad pa daṅ | dge ’dun gyi dbyen byas pa daṅ | de bźin gśegs pa la ṅan sems kyis khrag phyuṅ ba daṅ | slob dpon med pa daṅ | mkhan po med pa daṅ | lhuṅ bzed daṅ | chos ṅos med pa daṅ | chad pa’i las (6) mi byed pa daṅ | mu stegs daṅ | mu stegs can du soṅ ba daṅ | rkun gnas daṅ | tha dad du so sor gnas pa daṅ | mi gnas pa daṅ | za ma daṅ | ma niṅ daṅ | dge sloṅ ma sun phyuṅ ba daṅ | lo ñi śu ma tshaṅ ba daṅ | yid ma smra ba daṅ | ma ruṅ bar byas pa daṅ | (7) ma ruṅ bar bya bar rigs pa daṅ | mi ma yin pa thams cad de ’di dag ni bsñen par rdzogs par mi bya ba ste | de ste bsñen par rdzogs par byas na yaṅ bsñen par rdzogs pa ma yin te | bsñen pa rdzogs par byed pa yaṅ ’das pa daṅ bcas par ’gyur ro || de ci’i phyir źe (236a1) na | gaṅ zag de dag ni ’khor sun phyuṅ bar byed pa źes bya ste | thams cad kyaṅ ’khor sun par byed pa ste | bsñen par rdzogs par bya ba ma yin pa’o ||