dge sloṅ rnams kyis ni khyim pa dag daṅ ’dus śiṅ ’khod nas gso sbyoṅ daṅ dgag dbye daṅ | gsol ba daṅ | gsol ba daṅ gñis daṅ | gsol ba daṅ bźi’i las mi bya | dge sbyoṅ du khas ’che ba rnams daṅ ma (2) yin | za ma rnams daṅ ma yin | ma niṅ rnams daṅ ma yin | dge sloṅ ma sun phyuṅ ba rnams daṅ ma yin | pha bsad pa rnams daṅ ma yin | ma bsad pa rnams daṅ ma yin | dgra bcom pa bsad pa rnams daṅ ma yin | dge ’dun gyi dbyen byed pa rnams daṅ ma (3) yin | de bźin gśegs pa la ṅan sems kyis khrag ’byin pa rnams daṅ ma yin | mu stegs can rnams daṅ ma yin | mu stegs can źugs pa rnams daṅ ma yin | rku thabs su gnas pa rnams daṅ ma yin | tha dad du gnas pa rnams daṅ ma yin te | gnas (4) par mi bya ba rnams daṅ ’dus śiṅ ’khod nas gso sbyoṅ daṅ | dgag dbye daṅ | gsol ba daṅ | gsol ba daṅ gñis daṅ | gsol ba daṅ bźi’i las mi bya’i | thams cad yoṅs su dag pa daṅ | lta ba mthun pa dag ’dus śiṅ ’khod nas gso sbyoṅ daṅ | (5) dgag dbye daṅ | gsol ba daṅ | gsol ba daṅ gñis daṅ | gsol ba daṅ bźi’i las bya’o ||
las mi mthun pa dag byas na ’gal tshabs can du ’gyur ro ||