chuṅ du’i me yis nags kyi me | | rluṅ gis bud de bskyed pa (53b1)bźin | | ’dod sogs ñon moṅs rgya chen rnams | | sred pa yis ni skyed par byed | |
de nas de yis bsams pa ni | | sred pa gaṅ las byuṅ źas so | | tshor ba’i rkyen gyis sred pa źes | | de nas rnam par ṅes pa mdzad | |
tshor bas mṅon bcom skye dgu rnams | | gñen por byed la (2)sred pa ste | | skom pa med na chu la ni | | kha cig mṅon par dga’ ba yin | |
de nas slar yaṅ tshor ba yi | | skye ba’i gnas ni gaṅ źes bsams | | tshor ba tshor ba mthar byed kyis | | reg pa’i rgyu can ñid du mkhyen | |
yul daṅ dbaṅ po blo rnams kyis | | ’dus pa reg par brjod (3)bya ste | | gtsub śiṅ las ni me bźin du | | gaṅ las tshor ba skye ba’o | |
de nas reg pa rgyu yin źes | | de yis bsams par gyur pa’o | | de nas skye mched drug gi ni | | rgyu can ñid du des mkhyen te | |
loṅ bas gzugs ni mi rig ciṅ | | mig ni blo yis mi sbyor phyir | | mig yod (4)gyur na des sbyor te | | de phyir dbaṅ po yod na reg | |
de nas skye mched drug gis ni | | skye ba mkhyen phyir blo gros mdzad | | de nas de’i rgyu mid daṅ gzugs | | rgyu la mkhas pas mkhyen pa’o | |
ji ltar myur gu yod pa las | | lo ma sdoṅ bu ’byuṅ bar dran | | de ltar miṅ daṅ gzugs (5)yod na | | skye mched drug ni ’gyur ba’o | |
miṅ daṅ gzugs ni rgyu gaṅ źes | | de yi de nas gyur de nas | | de yi skye ba rnam śes su | | ye śes pha rol son pas mkhyen | |
rnam par śes pa ’das pa na | | miṅ daṅ gzugs ni rab gnas te | | sa bon bskrun pa rdzogs pa na | | myu gu (6)rnam par ’dzin pa’o | |
de nas rnam par śes pa ni | | gaṅ las yin źes bsams par gyur | | miṅ daṅ gzugs la brten nas de | | de nas de yi skya pha mkhyen | |
de nas rgyu yi go rims ni | | mkhyen nas de yi blor gyur te | | sems ni lugs ’byuṅ bskor ba ste | | gźan du lugs (7)las zlog par min | |
rnam par śes pa’i rkyen las ni | | miṅ daṅ gzugs la brten nas ni | | slar yaṅ rnam par śes pa skye | | ji ltar gru yis mi ’dren źiṅ | | de bźin rnam par śes pa daṅ | | miṅ gzugs phan tshun gyi rgyu’o | |
ji ltar lcags ni ’bar ba yis | | rtswa rnams (54a1)’bar bar byed na yaṅ | | ’bar ba de yis de gduṅ ste | | de bźin phan tshun rgyu ñid do | |
de ltar rnam par śes pa las | | miṅ gzugs ’byuṅ ba mkhyen gyur pa | | de nas dbaṅ po ’byuṅ ’gyur źiṅ | | dbaṅ po las byuṅ reg pa’o | |
reg pa las skyes (2)tshor ba mkhyen | | tshor ba las skyes sred pa’o | | sred pa las skyes len pa’o | | len pa las ni de bźin srid | |
srid pa las ni skye ba dag | | skye bas rga śi ’byuṅ bar mkhyen | | ’gro ba dag ni rkyen rnams las | | skyes źes yaṅ dag mkhyen pa’o | |
de nas ’di yi (3)blo gros ṅes par soṅ ba ni | | skye ba zad las ’chi daṅ rga ba ’gags pa ste | | srid pa ñams pa las kyaṅ skye pa ñams pa ñid | | len pa ’gags pa las ni srid pa rnam ldog ciṅ | |
de nas srid ’gags pa las de ni ’gag pa ste | | tshor ba yod pa min na sred pa yod ma yin | | (4)reg las chud zos gyur na tshor ba yod min źiṅ | | skye mched ’jug pa med las reg pa zad pa’o | |