saṅs rgyas (72a1) bcom ldan ’das mñan yod na rgyal byed kyi tshal mgon med zas sbyin gyi kun dga’ ra ba na bźugs so ||
de’i tshe na rgan źugs byis pa | rmoṅs pa | migs la ba | mi mkhas pa źig gis gźan mu stegs can źig rab tu phyuṅ źiṅ bsñen par rdzogs (2) par byas pan dge sloṅ rnams daṅ lhan cig rtsod pa ’ga’ źig byuṅ nas bslab pa phul te sṅon gyi mu stegs can gyi gnas de ñid du soṅ pa’i skyabs de bcom ldan ’das la dge sloṅ rnams kyis gsol ba daṅ | bcom ldan ’das kyis bka’ stsal pa | dge sloṅ dag ji ltar mi (3) gti mug can de legs par gsuṅs pa’i chos ’dul ba gya nom pa ’di lta bu spaṅs nas sṅon gyi mu stegs can gyi gnas de ñid du soṅ ba la ltos | dge sloṅ dag ’di lta ste dper na khyi bkres pa’i ñam chur bas yoṅs su gzir ba ni bza’ ba daṅ bcaṅ ba gya nom pa spaṅs nas bśaṅ (4) ba bzaṅ bar bya’o sñam du sems so ||
dge sloṅ dag de bźin du mi gti mug can des kyaṅ legs par gsuṅs pa’i chos ’dul ba gya nom pa ’di lta bu spaṅs nas sṅon gyi mu stegs can gyi gnas de ñid du soṅ ṅo ||