kathaṃ sarvabhūmyanulomitam | kāmāvacarāccittātprathamaṃ dhyānaṃ samāpadyate |
tato dvitīyamevaṃ krameṇa yāvannaivasaṃjñānāsaṃjñāyatanam |
pratilomaṃ punar yāvat kāmāvacaraṃ cittaṃ tataḥ punar anulomaṃ yāvaccaturthadhyānamevaṃ sarvabhūmyanulomitam |
katham vṛddhikāṣṭāgatam |
tathābhāvitānmṛduno madhyaṃ madhyādadhimātraṃ samāpadyate |
vṛddhiprakarṣo hi vṛddhikāṣṭā |
idamīdṛśaṃ prāntakoṭikaṃ pragatā ’nta koṭirasyeti kṛtvā |
koṭiḥ punar atra vṛddhiḥ prakāro vā |
catuṣkoṭikavat |