’di skad bdag gis thos pa dus gcig na | bcom ldan ’das rgyal po’i khab na bźugs te | thams cad daṅ ldan pa’i ’khor daṅ thabs cig go ||
de nas de’i tshe ’khor der byaṅ chub sems dpa’ (179a1) rdo rje rgyal mtshan ’dug pa de stan las laṅs te | bcom ldan ’das la ’di skad ces gsol to ||
bcom ldan ’das chos gaṅ daṅ ldan pa śes rab kyi pha rol tu phyin pa lags | bcom ldan ’das kyis bka’ stsal pa | rdo rje’i rgyal mtshan ’dug pa de chos rnam pa bźi daṅ ldan pa ste | bźi gaṅ źe na | (2) ’di lta ste | chos thams cad stoṅ pa ñid du mṅon pa daṅ | ’dus byas thams cad mi rtag pa daṅ | sdug bsṅal bar śes pa daṅ | spros pa thams cad daṅ bral ba’i chos ñid du ldan pa daṅ | thams cad du mi rtog mi dmigs par bsgom pa’o ||
gźan yaṅ chos rnam pa bźi daṅ ldan na śes (3) rab skye ba’i rgyu ste | bźi gaṅ źe na | ’di lta ste | daṅ po gaṅ zag chos smra ba’i mkhan po bsten pa daṅ | gñis pa de’i dam pa’i chos ñan pa daṅ | gsum pa don la ’jug ciṅ sems pa daṅ | bźi pa gźan la tshul bźin du ston par mos pa ste | ’di ni śes rab skye ba’i rgyu’o ||
rigs kyi bu (4) gźan yaṅ byaṅ chub sems dpa’ rnams kyis ’di lta ste | chos thams cad raṅ bźin gyis rnam par dag pas stoṅ pa daṅ | bdag med pa daṅ | dṅos po med pa’i ṅo bo ñid daṅ | mtshan ma med pa daṅ | ma bciṅs pa daṅ | ma grol ba daṅ | snaṅ ba med pa daṅ | mun pa med pa’i raṅ bźin du (5) śes par bya’o ||
de lta bas na byaṅ chub sems dpa’ rnams kyis śes rab kyi pha rol tu phyin pa la bslab par bya’o ||
chos thams cad skye ba med pa daṅ | gnas pa med pa’i tshul du śes rab kyi pha rol tu phyin pa la bslab par bya’o ||
bcom ldan ’das kyis bka’ stsal pa | dṅos med ṅo bo ñid (6) du bsgom ||
śes rab skye ba’i rgyu la mos ||
mtshan ma thams cad daṅ bral ba’i ||
śes rab don la bslab par bya’o ||
bcom ldan ’das kyis de skad ces bka’ stsal nas | byaṅ chub sems dpa’ rdo rje rgyal mtshan la sogs pa | lha daṅ | mi daṅ | lha ma yin daṅ | dri (7) zar bcas pa’i ’jig rten yi raṅs te | bcom ldan ’das kyis gsuṅs pa la mṅon par bstod do ||