You are here:
BP HOME
>
PT
>
Khuddakanikāya: Khuddakapāṭha
> fulltext
Khuddakanikāya: Khuddakapāṭha
Choose languages
Choose images, etc.
Choose languages
Pāli: khp
Choose display
Enable images
Enable footnotes
Show all footnotes
Minimize footnotes
Search-help
Search for exact phrase
Search for exact phrase (regex)
Search for every word in one record
Search for every word fragment in one record
Search in all libraries
Search in PT
Search in Khuddakanikāya: Khuddakapāṭha
Choose specific texts..
Khuddakanikāya: Khuddakapāṭha
Complete text
Saraṇattayaṃ
Dasasikkhāpadaṃ
Dvattiṃsākāraṃ
Kumārapañhaṃ
Maṅgalasuttaṃ
Ratanasuttaṃ
Tirokuḍḍasuttaṃ
Nidhikaṇḍasuttaṃ
Mettasuttaṃ
Back to library
Sentence by sentence view
Continuous text view
View in admin
VI.
Yānīdha bhūtāni samāgatāni bhummāni vā yāni va antalikkhe,
sabbe va bhūtā sumanā bhavantu atho pi sakkacca suṇantu bhāsitaṃ. Khp_6.1
Tasmā hi bhūtā nisāmetha sabbe mettaṃ karotha mānusiyā* pajāya,
divā ca ratto ca haranti ye baliṃ,
tasmā hi ne rakkhatha appamattā. Khp_6.2
Yaṃ kiñci vittam idha vā huraṃ vā (004) saggesu vā yaṃ ratanaṃ paṇītaṃ na no samaṃ atthi Tathāgatena, --
idam pi Buddhe ratanaṃ paṇītaṃ,
etena saccena suvatthi hotu. Khp_6.3
Khayaṃ virāgaṃ amataṃ paṇītaṃ yad ajjhagā Sakyamunī samāhito,
na tena dhammena sam’ atthi kiñci, --
idam pi Dhamme ratanaṃ paṇītaṃ,
etena saccena suvatthi hotu. Khp_6.4
Yam buddhaseṭṭho parivaṇṇayī suciṃ samādhim ānantarikañ ñam āhu,
samādhinā tena samo na vijjati, --
idam pi Dhamme ratanam paṇītaṃ,
etena saccena suvatthi hotu. Khp_6.5
Ye puggalā aṭṭha satam* pasatthā,
cattāri etāni yugāni honti,
te dakkhiṇeyyā Sugatassa sāvakā,
etesu dinnāni mahapphalāni, --
idam pi Saṃghe ratanaṃ paṇītaṃ,
etena saccena suvatthi hotu. Khp_6.6
Ye suppayuttā manasā daḷhena nikkāmino Gotamasāsanamhi,
te pattipattā amataṃ vigayha laddhā mudhā nibbutiṃ bhuñjamānā, --
idam pi Saṃghe ratanaṃ paṇītaṃ,
etena saccena suvatthi hotu. Khp_6.7
Yath’ indakhīlo paṭhaviṃ sito siyā catubbhi vātehi asampakampiyo,
tathūpamaṃ sappurisaṃ vadāmi,
yo ariyasaccāni avecca passati, --
idam pi Saṃghe ratanaṃ paṇītaṃ,
etena saccena suvatthi hotu. Khp_6.8
Ye ariyasaccāni vibhāvayanti gambhīrapaññena sudesitāni,
kiñcāpi te honti bhusappamattā,
na te bhavaṃ aṭṭhamaṃ ādiyanti, --
idam pi Saṃghe ratanaṃ paṇītaṃ,
etena saccena suvatthi hotu. Khp_6.9
(005) Sahā v’ assa dassanasampadāya tayas su dhammā jahitā bhavanti:
sakkāyadiṭṭhi vicikicchitañ ca sīlabbataṃ vā pi yad atthi kiñci catūh’ apāyehi ca vippamutto cha cābhiṭhānāni abhabbo kātuṃ, --
idam pi Saṃghe ratanaṃ paṇītaṃ,
etena saccena suvatthi hotu. Khp_6.10
Kiñcāpi so kammaṃ karoti pāpakaṃ kāyena vācā uda cetasā vā,
abhabbo so tassa paṭicchādāya,
abhabbatā diṭṭhapadassa vuttā, --
idam pi Saṃghe ratanaṃ paṇītaṃ,
etena saccena suvatthi hotu. Khp_6.11
Vanappagumbe yathā phussitagge gimhāna māse paṭhamasmiṃ gimhe,
tathūpamaṃ dhammavaraṃ adesayi nibbānagāmiṃ paramaṃhitāya, --
idam pi Buddhe ratanam paṇītaṃ,
etena saccena suvatthi hotu. Khp_6.12
Varo varaññū varado varāharo anuttaro dhammavaraṃ adesayi, --
idam pi Buddhe ratanaṃ paṇītaṃ,
etena saccena suvatthi hotu. Khp_6.13
‘Khīṇaṃ purāṇaṃ, navaṃ n’ atthi-sambhavaṃ ’virattacittā āyatike bhavasmiṃ te khīṇabījā avirūḷhichandā nibbanti dhīrā yathāyam padīpo, --
idam pi Saṃghe ratanaṃ paṇītaṃ,
etena saccena suvatthi hotu. Khp_6.14
Yānīdha bhūtāni samāgatāni bhummāni vā yāni va antalikkhe,
tathāgataṃ devamanussapūjitaṃ Buddhaṃ namassāma, suvatthi hotu. Khp_6.15
Yānīdha bhūtāni samāgatāni bhummāni vā yāni va antalikkhe,
tathāgataṃ devamanussapūjitaṃ (006) Dhammaṃ namassāma, suvatthi hotu. Khp_6.16
Yānīdha bhūtāni samāgatāni bhummāni vā yāni va antalikkhe,
tathāgataṃ devamanussapūjitaṃ Saṃghaṃ namassāma, suvatthi hotu. Khp_6.17
RATANASUTTAṂ NIṬṬHITAṂ.
Permanent link
http://www2.hf.uio.no/common/apps/permlink/permlink.php?app=polyglotta&context=ctext&uid=36864d78-8d53-11e6-98cc-0050569f23b2
Go to Wiki Documentation
Enhet:
Det humanistiske fakultet
Utviklet av:
IT-seksjonen ved HF
Login