yaṅ de'i tshe 'khor de'i naṅ nas byaṅ chub sems dpa' sems dpa' chen po skyabs grol źes bya ba stan las laṅs te | bla gos phrag pa (4)gcig tu gzar nas pus mo g.yas pa'i lha ṅa sa la btsugs te | bcom ldan 'das ga la ba der logs su thal mo sbyar ba btud nas bcom ldan 'das la 'di skad ces gsol to ||
btsun pa bcom ldan 'das | slad ma'i tshe slad ma'i dus na | sems (5)can bro nad sna tshogs kyis yoṅs su gzir te | yun riṅ po'i bro nad kyis lus kyi śa bas śiṅ bkres pa daṅ | skom pas gre ba daṅ | mchu ni skams | 'gum pa la ni mṅon du phyogs | mdza' bśes daṅ | ñe du daṅ | snag gi gñen mtshams (6)du ba rnams kyis ni bskor | phyogs rnams ni mun par mthoṅ | gśin rje'i mi rnams kyis ni draṅs te |
de'i lus 'di na ñal yaṅ rnam par śes pa chos kyi rgyal po gśin rje'i mdun du khrid ciṅ
mi de daṅ lhan cig skyes pa'i lha slad bźin 'braṅ ba gaṅ (7)lags pa des ni des dge ba daṅ | mi dge ba bgyis pa de thams cad legs par yi ge la bris nas chos kyi rgyal po gśin rje la phul ba daṅ |
chos kyi rgyal po gśin rjes de la dris śiṅ brtags nas dge ba 'am | mi dge ba ji ltar bgyis pa de bźin du bsgo (281b1)ba las |
gaṅ dag nad pa de'i don du bcom ldan 'das de bźin gśegs pa sman gyi bla bai ḍū rya'i 'od de la skyabs su mchi źiṅ 'di 'dra ba'i sbyor bas mchod pa bgyi na | de'i rnam par śes pa slar ldog ciṅ rmi lam rmis pa bźin du bdag ñid kyis 'tshal ba'i gnas (2)der mchi ste |
yaṅ na ni gdugs bdun | yaṅ na ni gdugs ñi śu rtsa gcig yaṅ na ni gdugs sum cu rtsa lṅa | yaṅ na na gdugs bźi bcu rtsa dgu la de'i rnam par śes pa slar ldog ciṅ dran pa rñed la | de dge ba daṅ | mi dge ba'i las kyi (3)rnam par smin pa bdag ñid kyi mṅon sum du 'gyur te srog gi slad du yaṅ sdig pa'i las mi bgyid do ||
de lta lags pas dad pa'i rigs kyi bu 'am | rigs kyi bu mos de bźin gśegs pa de la mchod par bgyi'o ||