’di lta ste ’dun pa’i rnam pa dang zhes bya ba la sogs pas thos pa’i rnam pa brgyad cu rtsa bzhi po de dag gang yin pa ston te, ’dun pa ni chos nyan par ’dod pa la bya ste, nyan par ’dod pa las thos pa dang shes rab ’byung gi ’dod pa med na mi ’byung bas de’i phyir ’dun pa ni shes rab ’byung ba’i rgyur rig par bya’o. yang na thos pa las ’dun pa’i rnam pa ’byung gi ma thos pa las ma yin pas thos pa ni ’dun pa ’byung ba’i rgyu yin te; ’dun pa dang thos pa gnyis gcig gi rgyu gcig yin par blta’o. yang na shes rab kyi rang bzhin ji lta bu zhes dris pa na, ’dun pa’i rnam pa zhes bya ba ni shes rab de ’dun pa’i rang bzhin zhes bya ba’i don to. de bzhin du rnam pa’i sgra ni bsam pa’i rnam pa la sogs pa lhag pa rnams la yang sbyar ro – "Eagerness (chanda) is "the wish to listen to religious teachings (dharmashravaṇakāma)". (1) From the wish to listen (shravaṇakāma) learning (shruta) and insight (prajnyā) arise, without the wish they do not; thus eagerness is to be understood as the cause (hetu) by which insight arises. Or (atha vā), (2) from learning (shruta) eagerness (chanda) arises, from no learning it does not; thus learning is the cause (hetu) by which eagerness (chanda) arises; and thus eagerness and learning (namely insight, prajnyā) are the cause of each other (chandashrutayor itaritarahetutvaṃ draṣṭavyam). Or (atha vā), (3) if asking what the essence (svabhāva) of insight (prajnyā) is: "It has the form of eagerness" should be taken in the meaning "that insight has the essence of eagerness" (chandākāram iti sā prajnyā chandasvabhāvety arthaḥ). In the following items, the form of intention etc., the word form should be understood accordingly." The alternatives are: 1. chanda cause of shruta and prajnyā; chanda cause of prajnyā; 2. shruta cause of chanda; chanda and shruta (=prajnyā) cause of each other; 3. chanda essence of prajnyā.
bsam pa’i rnam pa ni gong du bsam pa mi zad pa’i skabs su rgya cher bshad pa la bya’o. de yang mdor bsdu na bsam pa rnam pa gnyis te, phan par bya ba’i bsam pa dang, bde bar bya ba’i bsam pa’o. de la phan par bya ba’i bsam pa ni mi dge ba’i gnas nas bton nas dge ba’i gnas su ’god par ’dod pa gang yin pa’o; bde bar bya ba’i bsam pa ni sems can phongs pa dang, mgon med pa dang, rten med pa rnams la nyon mongs pa can spangs te phan pa’i dngos po bsgrub par ’dod pa gang yin pa’o. Besides referring to the section on āshaya, this short definition is given by quoting from Bbh p. 1817-21: hitādhyāshayash ca sukhādhyāshayash ca. tatra hitādhyāshayaḥ yā akushalāt sthānād vyutthāpya kushale sthāne pratiṣṭhāpanakāmatā. sukhādhyāshayo yā vighātinām anāthānām apratisaraṇānāṃ sattvānāṃ kliṣṭavarjitānugrāhakavastūpasaṃharaṇakāmatā. Note that the definition from Bbh is that of adhyāshaya, not that of āshaya as in ṭ, showing the close connection between the two concepts.
lhag pa’i bsam pa’i rnam pa ni gong du lhag pa’i bsam pa mi zad pa’i skabs su rgya cher bshad pa la bya’o.
89b2-90a2 refers to the section on the topic, but gives besides a shorter definition: sbyor ba’i rnam pa ni sbyor ba mi zad pa’i skabs su rgya cher bshad pa la bya’o. de yang mdor bsdus na rnam pa drug ste: 1) phongs pa sel ba’i sbyor ba dang, 2) mos pa la sbyor ba dang, 3) bsgrub pa la sbyor ba dang, 4) shes bzhin du srid par skye ba la sbyor ba dang, 5) tshogs yongs su rdzogs par sbyor ba dang, 6) dka’ bar spyod pa bzod pa la sbyor ba’o. 1) sems can dngos po gang gis phongs pa de la de gtong ba ni phongs pa sel ba la sbyor ba zhes bya ste, de yang sbyin pa mi zad pa’i skabs su zas ’dod pa la zas sbyin par byed pa dang btung ba ’dod pa la btung ba sbyin par byed pa zhes bya ba la sogs pa gsungs pa’o. 2) mos pa la sbyor bar byed pa ni gang zag la bdag med pa dang chos la bdag med pa’i mtshan nyid de bzhin nyid la mos par byed pa’o. 3) sgrub pa la sbyor bar byed pa ni rtag tu gzhan gyi don sgrub par byed pa ste, gang sbyor ba mi zad pa’i skabs su dge ba’i rtsa ba la rab tu gzud pa’i phyir sems can byang chub kyi sems ’dzin du ’jug pa’i bsam pa ni byang chub sems dpa’i sbyor ba mi zad pa’o zhes bya ba la sogs pa gsungs pa’o. 4) shes bzhin du srid par skye ba la sbyor ba ni las dang nyon mongs pa’i dbang gis khams gsum du skye ba ni ma yin gyi, smon lam gyis shes bzhin du ’khor bar skye ba’o. 5) tshogs yongs su rdzogs par bya ba la sbyor ba ni bsod nams dang ye shes kyi tshogs rdzogs par bya ba’i phyir pha rol tu phyin pa drug la sbyod pa ste, gang gong du sbyin pa mi zad pa’i bsam pa ni byang chub sems dpa’i sbyor ba mi zad pa ste zhes bya ba la sogs pa gsungs so. 6) dka’ bar spyod pa bzod pa la sbyor ba ni sems can yongs su smin par bya ba dang sangs rgyas kyi chos yongs su smin par bya ba’i phyir nang gi sdug bsngal mgo dang rkang lag la sogs pa btang ba dang, phyi’i sdug bsngal grang ba dang tsha ba la sogs pa bzod pa ste, de yang gong du btsun pa sha ra dva ti’i bu bzhi po ’di dag ni byang chub sems dpa’ rnams kyi sbyor ba mi zad pa ste, bzhi gang zhe na? byang chub kyi sems kyi sbyor ba mi zad pa dang, chos sbyin pa ston pa’i sbyor ba mi zad pa dang, sems can yongs su smin par byed pa’i sbyor ba mi zad pa la sogs pas bstan to. The six items refer to important loci on the subject supra.
dge ba’i bshes gnyen gyi rnam pa zhes bya ba la 1) bskyod par byed pa dang, 2) ’jog par byed pa dang, 3) stobs par byed pa dang, 4) skyabs dpag tu med par byed pa ni dge ba’i bshes gnyen zhes bya’o. de la 1) bskyod par byed pa ni srog gcod pa la sogs pa mi dge ba bcu spyod pa las bskyod par byed pa ste, las ngan pa spong du ’dzud ces bya ba’i don to. 2) ’jog par byed pa ni srog gcod pa las ldog pa la sogs pa dge ba bcu la ’god par byed pa’o. 3) stobs par byed pa ni lha dang mi’i bde ba sbyin par byed pa nas bla na med pa’i byang chub kyi ’bras bu’i bar du sbyin pa dang ’thob pa byed pa’o. 4) skyabs dpag tu med par byed pa ni mu stegs can la sogs pa’i lta ba ngan par mi ltung bar skyob pa dang, nyan thos la sogs pa’i theg pa dman par mi ltung bar skyob pa dang, ’khor ba’i lam ngan par mi ltung ba skyob pa dang, sdug bsngal gyi gnas ngan song du mi ltung bar skyob pa’o. chos thos pa las sems can thams cad 1) mi dge ba las bskyod par byed pa dang, 2) dge ba la ’jog par byed pa dang, 3) ’bras bu stobs par byed pa dang, 4) sdug bsngal dpag tu med pa las skyob par byed pas na dge ba’i bshes gnyen gyi rnam pa zhes bya’o. No exact counterpart has been found, but cf. Bbh p. 23713ff: tatra katibhir ākāraiḥ samanvāgataṃ bodhisattvasya kalyāṇamitraṃ veditavyam ...
nga rgyal med pa ni cho rigs dang shes nyen la sogs pas mi snyems pa’o.
bag yod pa ni bag med pa’i gnyen po ste, bag med pa yang gzhan las ’byung ba dang, bdag las ’byung ba rnam pa gnyis yod de; gzhan las ’byung ba yang rnam pa gnyis te, byur las byung ba dang, sems can las byung ba’o: de la byur las byung ba ni tshe rabs snga ma’i mi dge ba’i las kyi ’dod chags la sogs pa mi dge ba’i rtsa ba ’byung ba dang, srog gcod pa la sogs pa mi dge ba’i las byed pa’o. sems can las byung ba ni ’dod chags dang zhe sdang skye bar ’gyur ba’i yul nye bar ’ongs pas ’dod chags la sogs pa nyon mongs pa ’byung ba’o. bdag las ’byung ba yang rnam pa gnyis te, lus kyi ’du ’dzi las ’byung ba dang, log pa’i rnam par rtog pa las ’byung ba’o: de la lus kyi ’du ’dzi las ’byung ba ni bdag nyid khye’u dang, bu mo dang, ’gro ba bzang mo dang, rgyal rigs dang, bram ze’i rigs la sogs pa dang ’dra bar mos pas nyon mongs pa ’byung ba’o. log pa’i rnam par rtog pa las ’byung ba ni ’dod pa dang ’dun pa dang gnod sems la sogs pa la rtog pa’i rgyus nyon mongs pa ’byung ba ste, thos pa las de dag sngon ’byung ba yang, spong bar byed la, phyis kyang mi ’byung bar byed pas na bag yod pa’i rnam pa zhes bya’o.
gus par byed pa ni chos dang chos smra ba la brnyas pa med pa ste, mdo las: dge slong dag, ri dags kyi rgyal po seng ge ni ri bong la mchong na yang bsgrims te, mchong gi ma bsgrims par ma yin no. rta dang glang po la mchong na yang bsgrims te, mchong gi ma bsgrims par ma yin no zhes rgyas par gsungs pa bzhin du chos dang chos smras pa la brnyas pa med par byas nas gus par nyan pa’o.
’thun par ’dzin pa ni mkhan po dang slob dpon la sogs pas ji skad bstan pa bzhin du sgrub par byed pa’o.
bka’ blo bde ba ni phyir mi ldog pa nyan pa dang spyod lam gus pa bstan pa’o.
bsnyen bkur byed pa ni chos dang chos smra ba la ci rigs par phyag ’tshal ba la sogs pa lus dang ngag gis rim gro byed pa’o. yang na bsnyen bkur mi byed pa’i gnyen po ni bsnyen bkur byed pa ste, bsnyen bkur med pa ni nyan pa khri mtho la, ’chad pa khri dma’ ba la bzhag cing, rkang lag brkyang ba dang kha glal ba la sogs pas ngan ngon nyan pa ste, thos pa dang ldan pa rnams ni chos bla mar byed pa de lta bu med de, de bas na bsnyen bkur byed pa’i rnam pa zhes bya’o.
rna ba blags te nyan pa ni phyi rol du g.yeng ba dang nang du gnyid dang rmugs pas sems bsdus pa chos nyan pa’i dri ma gnyis med par nyan pa ste, mdo las kyang: dge slong dag gnyis po ’di dag ni chos nyan pa’i dri ma ste, de khyed rnams kyis spang bar bya’o. gnyis gang zhe na? sems rgod pa dang zhum pa’o, zhes gsungs pa’i phyir ro.
yid la byed pa ni ji skad bstan pa bzhin du chos nyid phyin ci ma log pa dang, dgongs pa phyin ci ma log par ’dzin pa ste, de la chos nyid phyin ci ma log par ’dzin pa ni ma rig pa’i rkyen gyis ’du byed la sogs pa ’byung gi rgyu med pa dang mi mthun pa’i rgyu las skye bar mi rtog pa’o; dgongs pa phyin ci ma log pa ’dzin pa ni tshor ba thams cad sdug bsngal ba zhes gsungs pa la, bde ba’i tshor ba dang gnyis ka ma yin pa’i tshor ba rang bzhin gyis sdug bsngal ba ni ma yin gyi, ’gyur ba dang ’du byed kyi ’du byed la dgongs pa la sogs pa rtogs pa’o.
rnam par mi g.yeng ba ni g.yeng ba rnam pa gsum po rang bzhin gyis g.yeng ba dang, phyi rol du g.yeng ba dang, nang du g.yeng ba med pa ste, de la rang bzhin gyis g.yeng ba ni chos nyan pa’i tshe mig la sogs pa’i rnam par shes pa rnams rnam pa sna tshogs su rtog pa ’jug pa’o; phyi rol du g.yeng ba ni chos nyan pa’i tshe nyan par mi ’dod cing skyo ba skye la gzugs la sogs pa la rtog pa ’byung ba’o; nang du g.yeng ba ni chos nyan pa’i tshe zhum pa’am rgod pa’i dbang du gyur pa’o.
gnas ni lus kyi spyod lam mi rgod pa ste, gnas gcig na ’dug cing nyan pa’o.
rin po cher ’du shes pa ni thos pa de nyid rin po che dang ’dra bar dkon pas ’du shes nas nyan pa la bya’o; yang na dam pa’i chos nyan pa ni phan pa dang bde ba’i rgyur ’gyur ba dang shin tu dkon pa dang, bsgrub dka’ bar ’du shes bskyed nas nyan pa ni rin po cher ’du shes pa’i rnam pa zhes bya’o; de la phan pa’i rgyur ’gyur ba ni lha dang mi’i bde ba nas mya ngan las ’das pa’i bar gyi bde ba ’thob pa’i rgyu yin pa’i phyir ro, bde ba’i rgyur ’gyur ba ni mu stegs can gyi dka’ thub bdag nyid ngal bar byed pa’i mtha’ dang ’dod pa la longs spyod pa rnams kyi ’dod pa’i bsod nams kyi mtha’ gnyis spangs pa dbu ma’i lam bde ba la ’jug pa’i rgyu yin pa’i phyir ro; shin tu dkon pa ni de bzhin gshegs pa brgya lam na ’jig rten du ’byung zhing dam pa’i chos bshad pa yang brgya lam na ’byung ba’i phyir ro; bsgrub par dka’ ba ni de bzhin gshegs pa’i gsung rab kyi tshig bzhi pa’i tshigs su bcad pa gcig tsam mnyan pa yang bsod nams dang ye shes kyi tshogs dpag tu med pas bsgrub dgos pa’i phyir ro.
sman du ’du shes pa ni thos pas dug gsum gyi nad sel bar ’gyur ba’i phyir te, de bas na nyon mongs pa’i nad thams cad zhi bar byed pa’i rnam pa zhes tshig gong ma gsal bar bshad do.
dran pa’i snod ces bya ba la, dran pa nyid snod yin pas na dran pa’i snod de, dran pa’i sgras ni thos pa’i shes rab la bya’o, snod kyi sgras ni mi brjed pa’i gzhi la bya ste, thos pa las yid gzhungs pa ’byung ste, mi brjed pa’i gzhi byed pas na thos pa ni dran pa’i snod kyi rnam pa zhes bya’o. rtogs pa shes pa ni bsam pa’i shes rab la bya ste, bsam pa’i shes rab kyang mnyam par bzhag pa dang ma bzhag pa’i bye brag gis rnam pa gnyis te, de la rtogs pa des shes pas na rtogs pa shes pa zhes bya ste, rtogs pa shes pa’i sgras ni mnyam par bzhag pa’i shes rab la bya’o. blo gros ’dod pa zhes bya ba la blo gros kyi sgra ni mnyam par bzhag pa’i shes rab la bya ste, ’di ltar thos pa dang ldan pa blo che ba la dga’ bar ’gyur ba’am, yang na ’dod pa zhes bya ba ’bar ba’am gsal ba lta bu la bya ste, thos pa la blo gros gsal bar ’gyur bas na blo gros ’dod pa’i rnam pa zhes bya’o. blo bsgoms pa las byung ba’i shes rab la bya la, ’jug pa ni goms par byed pa la bya ste, ’di ltar thos pa las blo la ’dris shing goms pa ’byung ba na thos pa ni blo la ’jug pa’i rnam pa zhes bya’o. yang na dran pa de’i snod yin pas na dran pa’i snod de, dran pa zhes bya ba ni sngon ji ltar bzung ba’i chos dang don mi brjed pa’o, dran pa de’i snod ni thos pa’i shes rab ste, sngon thos pa’i gzhi las dran pa ’byung gi ma thos pa las ni ma yin pa’i phyir ro. blo de la ’jug pas na blo la ’jug pa ste, blo ni thogs pa dang chags pa med pa’i ye shes la bya’o, ’jug pa ni mngon sum du byed pa ste, thos pa las de bzhin rtogs pa’i ye shes mngon sum du ’gyur pas na thos pa ni blo la ’jug pa’i rnam pa zhes bya’o. yang na blo ’dis ’jug pas na blo la ’jug pa ste, blo ni bsgom pa’i shes rab la ’jug pa ni brjod du med pa’i bdag nyid chos bdag med pa rtogs pa la bya ste, bsgom pa’i shes rab kyis de bzhin rtogs par ’gyur ba’i phyir ro, de’i rgyu yang thos pa’i shes rab yin te, de bas na skabs ’dir yang thos pa ni blo la ’jug pa’i rnam pa yin par sbyar ro.
sangs rgyas kyi chos ni nyan thos dang rang sangs rgyas kyi theg pa dang theg pa bla na med pa ste, mi ngoms par nyan pa ni de dag nyan pa la chog mi shes pa’o.
gtong ba ni ji skad du thos pa’i chos rnams ’chad pa’o, spel ba ni gang zag ’ga’ tsam la phyogs gcig tsam du bar ’ga’ ’chad pa ma yin zhing, sems can thams cad la phyogs kun tu rtag tu ’chad pa’o. yang na gtong ba spel ba ni sems kyi rgyan dang, sems kyi yo byad dang, rnal ’byor gyi tshogs dang, don gyi mchog thob par bya ba’i phyir kha na ma tho ba med pa’i sbyin pa sbyin par byed pa’o. de la 1) sus sbyin par byed, 2) su la sbyin par byed, 3) ci zhig sbyin par byed, 4) cis sbyin par byed, 5) ji ltar sbyin par byed, 6) ci’i phyir sbyin par byed ce na? smras pa: 1) sus sbyin par byed pa ni thos pa dang ldan pa gtong ba po’i gang zag gis so. 2) su la sbyin par byed pa ni bzhi la ste, sdug bsngal ba dang, phan ’dogs pa dang, sdug pa dang, khyad par can la sbyin par byed do; de la sdug bsngal ba ni bza’ ba dang bgo ba la sogs pas phongs pa mgon dang skyabs med pa’i bram ze dang tshong pa dang gdol ba la sogs pa’o; phan ’dogs pa ni pha ma dang sdug bsngal dpag tu med par zhugs pa las ’byin pa’i gang zag rnams so; sdug pa ni smos ’drin gang dag de la byams pa’am gtam ’dres pa dang, phebs par smra ba dang, ’grogs bshes rnams so. khyad par can ni gang nyon mongs pa gdul ba la zhugs pa’am, nyon mongs pa btul ba’i ’bras bu la gnas pa rnams so, yang na byang chub sems dpa’i sbyin pa’i gnas ni sems can thams cad de su la sbyin pa ni sems can thams cad la’o. 3) ci zhig sbyin pa ni phyi dang nang gi dngos po’o. 4) cis sbyin pa ni sems mngon par ’du byed pa yid kyi las chags med pa dang gtong ba’i lus dang ngag gi las kyis so. 5) ji ltar sbyin pa ni ma ’ongs pa la blta ba dang ’bras bu mthong ba’i dad pas sbyin par byed pa dang, brnyas pa med par rang gi lag nas sbyin par byed pa’o. 6) ci’i phyir sbyin pa ni sems can thams cad la snying rje’i rgyus sbyin pa ste, sbyin pa de lta bu yang sems can thams cad la snying brtse ba dang ldan pa, longs spyod thams cad rmi lam dang ’dra bar snying po med par ’dzin pa, gzhan gyi don la gtso bor byed pa’i gang zag thos pa dang ldan pa rnams la ’byung gi gzhan las ma yin pas na thos pa ni gtong ba spel ba’i rnam pa zhes bya’o.
’dis ni chos dang zang zing gi sbyin pa rgya cher byed pa bstan te, dul ba ni gnyen po bsgom pa ’phel ba dang ldan pas mig la sogs pa’i dbang po rnams yul la mi ’jug pas dul ba dang, ’dod chags la sogs pa nyon mongs pa rnams dul ba ste, de ni rgyu’o. de lta bu dul bas na cang shes pa zhes bya ste, cang shes pa ni lam drang po nas ji srid bgrod par bya bar phyin par ’gro ba’i phyir te, ’di ni ’bras bu’o. de la lam drang po ni thabs dang shes rab zung du ’brel ba dang, ’phags pa’i lam yan lag brgyad pa dang, ’phags pa’i bden pa bzhi la sogs pa’o. bgrod par bya ba ni mya ngan las ’das pa la bya ste, de lta bu ’phags pa’i lam rgyu dang ’bras bu’i mtshan nyid kyang thos pa las byung bas na thos pa ni dul zhing cang shes pa’i rnam pa zhes bya’o.
mang du thos pa la bsten pa ni mang po las rnam pa mang du chos gang thog mar dge ba, bar du dge ba, tha mar dge ba, don bzang po, tshig ’bru bzang po, ma ’dres pa, yongs su rdzogs pa, yongs su dag pa, yongs su byang ba zhes bya ba la sogs pa’i mdo sde phal cher thos pa la bya’o. de la mang po la zhes bya ba ni dge ba’i bshes gnyen mang po la thos pa’o, rnam pa mang du zhes bya ba ni chos de nyid la lan grangs mang du thos pa ste, de yang thos pa las ’byung gi, ma thos pa las ma yin pas ni thos pa ni mang du thos pa la bsten pa’i rnam pa zhes bya’o.
bsti stang du byas te dga’ ba myong bar byed pa zhes bya ba la, bsti stang du byas pa ni chos dang chos smra ba’i gang zag la lus dang ngag dang yid kyi bsti stang du byas nas nyan pa ste, de ltar bsti stang du byas te mnyan na dga’ zhing yid du ’ong ba bzang po dang ldan par ’byung bas na thos pa ni bsti stang du byas te dga’ ba myong bar byed pa’i rnam pa zhes bya’o. de la lus kyi bsti stang du byas te, nyan pa ni dus thams cad du lus kyi spyod lam mi mdzes pa mi ston cing ’dud pa dang, thal mo sbyar ba la sogs pa byed pa’o. sems kyi gus par byas te nyan pa ni chos dang chos smra ba la gnod pa’i bsam pa dang, ’phyas gdags pa’i bsam pa dang, klan ka’i bsam pa med cing, chos don du gnyer ba’i bsam pas bla na med pa’i lam stobs par byed pa’i snyam du bsams nas nyan pa’o. ngag gis gus par byed de nyan pa ni chos smra ba’i gang zag la nams kyang zher ’debs pa’i tshig mi smra zhing rtag tu de’i yon tan brjod par byed pa’o. thos pa las sems ma ’khrugs shing zhi gnas kyi mtshan nyid ting nge ’dzin thob par ’gyur la, zhi gnas dang ldan pas mig la sogs pa dbang po’i yul la mi ’jug cing sems rnam par rtog pa mang pos g.yen spyo ba med pas sems bde bar ’gyur la sems bde na lus bde bar ’gyur bas lus bde ba’i rnam pa zhes bya’o. thos pa las shes rab kyi mtshan nyid lhag mthong thob par ’gyur la, lhag mthong gis the tshom dang yid gnyis sel bar byed pas sems rab tu dga’ ba’i rnam pa zhes bya’o.
brtson ’grus kyi skyon gnyis so, ha cang brtun drags pa dang, g.yel ba las phyis chos nyan pa mi ’dod pa’am, ched ’ga’ nyan ched ’ga’ mi nyan pa ni skyo ba ste, de lta bu med pas mi skyo bar nyan pa zhes bya’o.
don dang chos dang nan tan nyan pa’i rnam pa gsum gyis thob par bya ba dang, bshad par bya ba dang, bsgrub par bya ba nyan par rim bzhin du bstan to.
de la don ni mya ngan las ’das pa la bya ste, ’phags pa’i lam gyis bsgrubs pa’i ’bras bu yin pa’i phyir ro.
ṭ then explains the twelvefold structure of the canonical scriptures: chos ni gsung rab kyi yan lag bcu gnyis te: 1) mdo’i sde dang, 2) dbyangs kyis bsnyad pa’i sde dang, 3) lung du bstan pa’i sde dang, 4) tshigs su bcad pa’i sde dang, 5) ched du brjod pa’i sde dang, 6) gleng gzhi’i sde dang, 7) rtogs pa brjod pa’i sde dang, 8) de lta bu byung ba’i sde dang, 9) skyes pa rabs kyi sde dang, 10) shin tu rgyas pa’i sde dang, 11) rmad du byung ba’i chos kyi sde dang, 12) gtan la phab par bstan pa’i sde dag go. [1) de la mdo sde gang zhe na? bcom ldan ’das kyis de dang de dag tu gdula ba de dang de dag dang gdula ba’i spyod pa rnams las brtsams te, phung po dang ldan pa’i gtam dang, skye mched dang ldan pa dang, rten cing ’brel bar ’byung ba dang ldan pa dang, zas dang bden pa dang khams dang ldan pa dang, nyan thos dang rang sangs rgyas dang de bzhin gshegs pa dang ldan pa dang, dran pa nye bar gzhag pa dang, yang dag par spong ba dang rdzu ’phrul gyi rkang pa dang dbang po dang stobs dang byang chub kyi yan lag dang ldan pa dang, mi sdug pa dang dbugs rdub pa dang dbyung ba dang bslab pa dang shes nas dad pa dang ldan pa’i gtam gsungs pa gang yin pa dag yang dag par sdud par byed pa rnams kyis yongs su bzung nas bstan pa yun ring du gnas par bya ba’i don du ming dang tshig dang yi ge’i tshogs mthun pa dag gis ci rigs par rim gyis bkod cing sbyar ba gang yin pa’o. 2) dbyangs kyis bsnyad pa’i sde ni gang gi tha ma’i mjug tu tshigs su bcad pa mngon par brjod pa dang, bkri ba’i don gyi mdo sde gang yin pa’o. 3) lung du bstan pa’i sde ni gang las nyan thos shi ’phos pa dang, dus byas pa dang, skye ba lung ston pa dang, nges pa’i don gyi mdo sde gang yin pa’o. 4) tshigs su bcad pa’i sde ni rkyang pas bshad pa ma yin pa ste, ’di ltar rtsa ba gnyis pa’am, gsum pa’am, bzhi pa’am, lnga pa’am, rtsa ba drug par rtsa bsdebs te bshad pa gang yin pa’o. 5) ched du brjod pa’i sde ni gang zag gi ming dang rigs yongs su ma brjod ma bstan par phyis dam pa’i chos yun ring du gnas par bya ba’i phyir bshad pa’o. 6) gleng gzhi’i sde ni gang zag gi ming dang rigs yongs su brjod cing bstan te bshad pa dang, gang dang ’dul ba dang ldan pa’i byung ba dang bcas, gleng gzhi dang bcas pa so sor thar pa’i mdo sde gang yin pa’o. 7) rtogs par brjod pa’i sde ni dpe dang bcas par bstan pa ste, dpe des don gyi rang bzhin de rnam par gsal bar ’gyur ba gang yin pa’o. 8) de lta bu byung ba’i sde ni cung zad sngon gyi sbyor ba dang ldan pa gang yin pa’o. 9) skyes pa rabs kyi sde ni ’das pa’i dus la brten te, bcom ldan ’das kyis ’chi ’pho dang skye ba de dang de dag tu byang chub sems dpa’i spyod pa dang dka’ bar spyod pa bstan pa gang yin pa’o. 10) shin tu rgyas pa’i sde ni gang las bla na med pa yang dag par rdzogs pa’i byang chub dang stobs bcu dang, sgrib pa med pa’i ye shes yang dag par sgrub pa’i phyir byang chub sems dpa’ rnams kyi lam bstan pa gang yin pa’o. 11) rmad du byung ba’i chos kyi sde ni gang las sangs rgyas rnams dang sangs rgyas kyi nyan thos rnams kyi thun mong dang, thun mong ma yin pa dang, de las gzhan khyad par du ’phags pa’i yon tan khyad par can ngo mtshar rmad du byung bar grags pa dag bstan pa gang yin pa’o. 12) gtan la phab par bstan pa’i sde ni mdo sde ’dren par byed cing, mdo sde rnam par ’chad par byed pa, ma lta bu’i chos mngon pa thams cad la bya’o. gsung rab yan lag bcu gnyis po de dag la mdo sde yang yod, ’dul ba yang yod, chos mngon pa yang yod de, de la re zhig mdo sde dang, dbyangs kyis bsnyad pa’i sde dang, lung du bstan pa’i sde dang, tshigs su bcad pa’i sde dang, ched du brjod pa’i sde dang, rtogs pa brjod pa’i sde dang, de lta bu byung ba’i sde dang, skyes pa rabs kyi sde dang, shin tu rgyas pa’i sde dang, rmad du byung ba’i chos kyi sde gang yin pa ni mdo sde’o. gleng gzhi’i sde gang yin pa ni ’dul ba’o. gtan la phab par bstan pa’i sde gang yin pa ni chos mngon pa’o.] de la sde snod gsum pa de dag las mdo sde’i mtshan nyid ni chos rnams mdor bsdus nas ston pa’o. ’dul ba’i mtshan nyid ni chos dang don mngon du byed pa ste, nyon mongs pa btul na chos dang don mngon du ’gyur ba’i phyir ro. chos mngon pa’i mtshan nyid ni nges pa’i gtam gtan la ’bebs pas chos kyi longs spyod la rig par byed pa’o. de dag gi las ni mdo sde’i sde snod kyis the tshom nye ba’i nyon mongs pa sel bar byed do, ’dul ba’i sde snod kyis mtha’ gnyis la sbyor ba’i nye ba’i nyon mongs pa sel bar byed do, chos mngon pa’i sde snod kyis rang gi lta ba mchog tu ’dzin pa’i kun nas nyon mongs pa sel bar byed pa’o.
The part in brackets is a quotation from Śbh fol. 7A23-7B25, S p. 1361-13915, W p. 75-78, D fol. 55b6-57a1: tatra sūtraṃ katamat / yat tatra tatra bhagavatā tāṃs tān vineyān vineyacaritāni cārabhya skandhapratisaṃyuktā vā kathā kṛtā dhātupratisaṃyuktā (4) vā kathā kṛtā āyatanapratisaṃyuktā vā pratītyasamutpādapratisaṃyuktā vā āhārasatyadhātupratisaṃyuktā vā shrāvakapratyekabuddhatathāgatapratisaṃyuktā vā smṛtyupasthānasamyakprahāṇarddhipādendriyabalabodhyaṃgamārgāṃgapratisaṃyuktā vā ashubhānāpānasmṛtishikṣāvetyaprasādapra(5)tisaṃyuktā kathā kṛtā sā ca kathā saṃgītikāraiḥ parigṛhya shāsanacirasthitaye yathāyogam anupūrvveṇa racitā anupūrvveṇa samāyuktā / pratirūpair nāmakāyapadakāyavyaṃjanakāyair [yad uta teṣāṃ teṣām arthānāṃ sūcanāyai kushalānām arthopasaṃhitānāṃ brahmacaryopasaṃhitānām idam ucyate sūtram] / geyaṃ [katamat /] (6) yasyānte paryavasāne gāthā abhigītā / yac ca sūtraṃ neyārtham [idam ucyate geyaṃ] / vyākaraṇaṃ [katamat |] yasmiṃ chrāvako ’bhyatītakālagata upapattau vyākriyate / yac ca sūtraṃ nītārtham [idam ucyate vyākaraṇaṃ] / gāthā [katamā /] yā na gadyena bhāṣitā / api tu pādopanibandhena dvipadā vā tripadā vā catuṣpadā vā paṃcapadā vā ṣaṭpadā vā [iyam ucyate gāthā] / udānā [katamā /] yat pudgalasya nāmagotram aparikīrtayitvā uddishya bhāṣitam āyatyāṃ vā saddharmasthitaye [shāsanasthitaye ca / iyam ucyate udānā] / nidānaṃ [katamat /] yat pudgalasya nāmagotraṃ parikīrtayitvā uddishya bhāṣitam / (7B2) yac ca vinayapratisaṃyuktaṃ sotpattikaṃ sanidānaṃ prātimokṣasūtram [idam ucyate nidānaṃ] / avadānaṃ [katamat /] yat sadṛṣṭāntakam udāhṛtaṃ / yena dṛṣṭāntena yasya prakṛtasyārthasya vyavadānaṃ bhavat[īdam ucyate avadānaṃ] / vṛttakaṃ [katamat /] yat kiṃcit pūrvvayogapratisaṃyuktam [idam ucyate vṛttakaṃ] / jātakaṃ (2) [katamat /] yad atītam adhvānam upādāya tatra tatra bhagavataḥ cyutyupapādeṣu bodhisatvacaryā duṣkaracaryā ākhyātā [idam ucyate jātakaṃ] / vaipulyaṃ [katamat /] yatra bodhisatvānāṃ mārgo deshyate anuttarāyai samyaksaṃbodhaye dashabalānāvaraṇajnyānasamudāgamāya [idam ucyate vaipulyaṃ] / adbhutā dharmāḥ [katame /] yatra bu(3)ddhānāny ca buddhashrāvakāṇāny ca [bhikṣūṇāny ca bhikṣūṇīnāny ca shikṣamāṇānāṃ shrāmaṇerāṇāṃ shrāmaṇerīṇām upāsakānām upāsikānāṃ] sādhāraṇāsādhāraṇāsh ca tadanyaprativishiṣṭāsh cāshcaryādbhutasammatā guṇavisheṣā ākhyātā [ime ucyante adbhutā dharmāḥ] / upadeshāḥ [katame /] sarvvamātṛkā abhidharmaḥ sūtrāntaniṣkarṣaḥ / sūtrāntavyākhyāna(4)m [upadesha ity ucyate] / tac caitad dvādashāṃgavacogatam asti sūtram asti vinayaḥ asty abhidharmaḥ / tatra yat tāvad āha sūtraṃ geyaṃ vyākaraṇaṃ gāthodānāvadānavṛttakajātakavaipulyādbhutadharmā iti / idaṃ tāvat sūtraṃ / yat punar āha nidānam ity / ayam ucyate vinayaḥ / yat punar āha upadeshā iti / ayam ucyate (5) abhidharmaḥ /
nan tan ’phags pa’i lam yan lag brgyad pa la sogs pa bsgrub par bya ba’i chos rnams la bya’o.
Notes to the Sanskrit text: 1...1) In accordance with D and ṭ gdul ba de dang de dag dang gdul ba’i spyod pa MS tāṃs tān vineyā caritāni W tāṃs tān vineyā[ṃsh] caritāni S tāṃs tān (tāni tāni) vineyācaritāni 2...2) D, ṭ, W om. MS and S also ins. dhātusaṃgaṇasaṃyuktā vā after kṛtā W read saṃgala for saṃgaṇa in note. 3) MS, S sthiti for dhātu as khams in D, ṭ. 4) MS, W om. vā 5) MS, W daṇḍa for vā S vā / 6) MS dhi for ṛddhi ṭ om. mārgāṃga 7) MS, S, W daṇḍa for vā 8) MS, S ashubhā an... W ashubhā-ān... 9) S ins. daṇḍa, MS has a small point. 10) W ...giti... 11) W ...pūrveṇa 12) W ...anyjana... 13) Parts in brackets not in ṭ 14) S buddhacar... 15) MS om. daṇḍa 16) W yat 17) MS geyaṃ / in footnote 18) W ...ny 19) W chrāvakebhyo ’bhyatītakālagatāv MS chrāvakebhyo ’bhyatītakālagato 20) MS, S ins. daṇḍa 21) MS om. daṇḍa 22) W ...ddh... for ...ddh... 23) W panyca... 24) W saṭ... 25) MS, S // for / 26) anuddishya with D, ṭ yongs su ma brjod ma bstan par ? 27) MS, S, W vṛttaṃ, ka omitted wrongly by MS possibly because of the ka in the next word 28) W pūrva... 29) W, S ...satvva... 30) MS, S, W ins. daṇḍa 31) MS, S // for / W om. the item on vaipulya 32) W ...ṃ 33) MS, S, W ...ṃ 34) As D dge tshul rnams dang MS, S, W om. shrāmaṇerāṇāṃ 35) S shrāmaṇekī(rī)ṇām W shrāmaṇerāṇām For the form cf. Kosha index 36) As D dge bsnyen rnams dang MS, S om. upāsakānām W ...ṃ 37) W om. upāsikānāṃ 38) S double daṇḍa 39) W sarva... 40) W ...nas 41) W ...āngga... 42) W sutram 43) MS, S, W om. daṇḍa 44) MS, S, W ins. daṇḍa
gzhan ni mkhan po dang slob dpon la sogs pa dge ba’i bshes gnyen rnams so; de dag gis bstan pa ni de dag gis bshad pa ste, rang gi lta ba mchog tu ’dzin pa btang nas nga rgyal med par byas te, ji skad bstan pa bzhin du nyan pa ni gzhan gyis bstan pa nyan pa zhes bya’o.
chos ma thos pa ni mu stegs can la sogs pa ’di las phyi rol ba’i bstan pa la med pa, phung po dang skye mched la sogs pa mdo’i sde las gsungs par bstan pa gang yin pa, ’khor ba thog ma med pa nas lan ’ga’ yang ma thos pa de dang thos par gyur pas na thos pa ni chos ma thos pa nyan pa’i rnam pa zhes bya’o.
mngon par shes pa ni drug ste, de dag ni de dag nyid kyi skabs nas ’chad do.
theg pa gzhan nyan thos kyi theg pa dang, rang sangs rgyas kyi theg pa dang, lha’i theg pa dang, mi’i theg pa dag ste, de dag nyan kyang chags par mi byed pas na ’dod pa med pa zhes bya’o.
pha rol tu phyin pa ni sbyin pa mi zad pa la sogs pa drug po ’di dag go. de la pha rol tu phyin pa’i sgra ni mchog gi don te, rgyu mchog dang las mchog dang ’bras bu mchog gi phyir pha rol tu phyin pa zhes bya’o. de la rgyu mchog ni pha rol tu phyin pa de dag nyid gong nas gong du khyad zhugs pa’i ye shes kyi rgyur ’gyur ba’i phyir ro; las mchog ni bdag dang gzhan la phan ’dogs par byed pa’i phyir ro; ’bras bu mchog ni bla na med pa’i byang chub yin pa’i phyir ro. yang na, rgyu mchog ni snying rje chen po’i rgyu las byung ba’i phyir ro.
byang chub sems dpa’i sde snod ni gong du gsung rab yan lag bcu gnyis smos pa’i nang nas shin tu rgyas pa’i sde gang yin pa’o. According to ṭ, the word bodhisattvapiṭaka refers to the whole canon of scriptures as described supra, to the teachings of the bodhisattvas generally. On the connection, however, of Akṣ and the individual sūtra named Bodhisattvapiṭaka, v. introduction.
bsdu ba’i dngos po zhes bya ba ni sems can dga’ bar byed pa’i dngos po zhes bya ba’i tha tshig ste, de yang sbyin pa la sogs pa bsdu ba’i dngos po bzhi nyid kyi skabs nas ’chad do.
thabs mkhas pa ni dge ba’i rtsa ba chung ngu yang dpag tu med par ’gyur bar byed pa dang, sems can bstan pa ’di la ma zhugs pa rnams bstan pa la gzud pa dang, zhugs pa rnams dge ba’i rtsa ba ’phel bar bya ba dang, dge ba’i rtsa ba ’phel ba rnams yongs su smin par bya ba dang, yongs su smin pa rnams rnam par grol bar bya ste, de nyan par byed pas na thabs la mkhas pa nyan pa’i rnam pa zhes bya’o.
tshangs pa ni sdig pa thams cad spangs pa’i mya ngan las ’das pa la bya ste, mdo las kyang: tshangs par gyur bsil bar gyur, ces gsungs pa’i phyir ro. de’i gnas pa ni thob par byed pa’i rgyu la bya ste, de yang byams pa la sogs pa tshad med pa bzhi nyid kyi skabs nas ’chad do.
dran pa ni sems can gyi don bya ba la brtson pa’i byang chub sems dpa’ bya ba dang mi bya bar shes shing dran pa’o, shes bzhin ni chos thams cad sgyu ma dang smig rgyu lta bur dngos po med par shes pa’o.
skye ba la mkhas pa ni phyi dang nang gi rten cing ’brel bar ’byung ba’i chos rnams rgyu gang las ’bras bu gang skye ba shes pa ste, ’di ltar phyi’i rten cing ’brel bar ’byung ba ni sa bon gyi rkyen gyis myu gu zhes bya ba nas me tog gi rkyen gyis ’bras bu zhes bya ba’i bar dang, nang gi rten cing ’brel bar ’byung ba yang ma rig pa’i rkyen gyis ’du byed rnams shes bya ba nas skye ba’i rkyen gyis rga shi zhes bya ba’i bar du phyi dang nang gi chos rnams rgyu dang rkyen las skye’i, bdag dang byed pa po las skye ba ma yin par rtogs pa’o.
mi skye ba la mkhas pa ni gzung ba dang ’dzin pa las dben pa’i don dam pa yongs su grub pa’i mtshan nyid ji lta ba bzhin du shes pa ste, de nyan pa’o – "Skill concerning the unoriginated is knowledge of the highest meaning (paramārtha) beyond subject and object (grāhyagrāhakavivikta) characterized as completed (pariniṣpannalakṣaṇa) as it really is (yathābhūtajnyāna), it is listening to that."
mi sdug pa dang, byams pa dang, rten cing ’brel bar ’byung ba’i rnam pa zhes bya ba’i tshig gsum gyis ’dod chags dang zhe sdang dang gti mug gsum gyi gnyen po mi sdug pa bsgom pa la sogs pa rnam pa gsum yang thos pa las ’byung bar ston to. de la mi sdug pa ni ’dod chags kyi gnyen po ste, de bas na mdo las kyang: dge slong rnal ’byor bas shi nas dur khrod du bor ba’i ro zhag gcig lon pa zhes bya ba nas khyi dang bya rgod dang ’phar ba la sogs pas zos pa yid la gzung bar bya ste, zhes gsungs pa’i phyir ro. byams pa ni zhe sdang gi gnyen po ste, de bas na mdo sde las kyang: byams pa dang ldan pa’i sems khon med pa, ’gran zla med pa, gnod pa med pas phyogs bcur mos te, khyab par byas te bsgrubs te gnas so, zhes gsungs pa’i phyir ro. rten cing ’brel bar ’byung ba ni gti mug gi gnyen po ste, de bas na mdo las kyang: rten cing ’brel bar ’byung ba gang zhe na? gang dus gsum gyi chos rnams la ’du byed tsam dang, chos tsam dang, dngos po tsam dang, rgyu tsam dang, ’bras bu tsam ste, byed pa po med pa de ni rten cing ’brel bar ’byung ba zhes bya ste, gang gi tshe de yid la byas na gti mug shas6 che ba’i gang zag rnams gti mug bsrabs par ’gyur ro, zhes gsungs pa’i phyir ro.
mi rtag pa ni dus gsum gyi ’dus byas thams cad skad cig ma re rer ’jig pas gnas pa med pa ste, de la ’di ltar ’das pa’i ’dus byas rnams ni skyes nas ’gag par snang la, da ltar byung ba’i ’dus byas rnams ni skyes pa’i skad cig phan chad du gnas pa’i mthu med la, ma ’ongs pa’i ’dus byas rnams ni ma skyes la ’gag pa med par snang ba’i phyir ro. de ltar ’dus byas mi rtag pa’i rang bzhin de yang sdug bsngal rnam pa gsum gyi rten byed pas na sdug bsngal ba zhes bya ste, sdug bsngal rnam pa gsum ni: 1) ’du byed kyi sdug bsngal dang, 2) ’gyur ba’i sdug bsngal dang, 3) sdug bsngal gyi sdug bsngal te; de la 1) ’du byed kyi sdug bsngal rgyu dang rkyen gyis bskyed pa’i ’du byed thams cad ni mi rtag pa yin pa’i phyir ro; 2) ’gyur ba’i sdug bsngal ni ’byor ba’i longs spyod dang bde ba’i tshor ba yang phyis med par ’gyur zhing ma ’ongs pa na rnam par smin pa’i yid du mi ’ong ba’i rgyu byed pa’i phyir ro. 3) sdug bsngal gyi sdug bsngal ni skye ba dang rga ba dang ’chi ba dang ’dod pa mi rnyed pa dang sdug bsngal gyi tshor ba rnams rang bzhin gyis sdug bsngal ba’i steng du nad la sogs pa sdug bsngal gzhan dang yang ’brel ba’i phyir ro. bdag med pa ni ’dus byas dang ’dus ma byas kyi chos thams cad med pa ste, de dag kyang thos pa dang ldan pas khong du chud par byed pa’i phyir mi rtag pa’i rnam pa la sogs pa zhes bya’o.
zhi ba ni nyon mongs pa thams cad dang sdug bsngal thams cad zhi ba’i phyir mya ngan las ’das pa la bya’o.
stong pa nyid dang, mtshan ma med pa dang, smon pa med pa zhes bya ba rnam par thar pa’i sgo gsum po de dag gi don ni sngar bshad zin te, de dag khong du chud pa yang thos pa las ’byung ngo zhes bya bar sbyar ro.
mngon par ’du mi byed pa dang dge ba mngon par ’du byed pa tshig gnyis kyis ni srog gcod pa la sogs pa mi dge ba’i las spong ba dang, dad pa dang brtson ’grus la sogs pa dge ba mngon par ’du byed pa yang thos pa las ’byung zhes ston to.
bden pas byin gyis brlabs pa ni ’phags pa’i bden pa bzhi mthong ba’i mthu dang ldan par byed pa ste, bden pa mthong ba’i mthu dang ldan par yang thos pa las ’byung bas na thos pa ni bden pas byin gyis brlabs pa’i rnam pa zhes bya’o. yang na, mdo dag las byang chub sems dpa’ la sogs pas rang gis dam bcas pa’i bden pa’i tshig gis byin gyis brlabs na de bzhin du ’gyur ba ste, de yang thos pa las ’byung zhes bya bar sbyar ro. The concept satyavacana is explained by J. Burlingame in JRAS 1917 pp. 429-67.
chud mi gzon pa ni las dang las kyi ’bras bu rnam par smin pa yod par lta ba’o.
rang gi kha na las pa ni gzhan la rag ma lus pa ste, gzhan la shes pa ni rag ma lus par bya ba yang thos pa las ’byung ba’i phyir ro; rang gi sems srung ba ni bya ba ma yin pa la mi ’jug par byed pa’o.
brtson ’grus ni dge ba mngon par ’du byed pa la sems spro ba yin la, de mi gtong ba ni rtag tu byed pa dang gus par byed pa’o.
chos nges par sems pa ni phung po dang khams dang skye mched la sogs pa kun nas nyon mongs pa dang rnam par byang ba’i chos rnams blos gtan la ’bebs pa’o.
ji ltar bshad pa’i chos rnams mnyan nas rig pas bsams te, bsgoms na nyon mongs pa spong bar ’gyur bas nyon mongs pa’i gnyen po’i rnam pa zhes bya’o. One would have expected pratipakṣa for vipakṣa; the two are, however, sometimes confused.
rang gi phyogs ni byang chub sems dpa’i phyogs te, rnam par byang ba’i chos rnams dang, de’i ’khor du gtogs pa’i sems can rnams so. bsrung ba ni phyogs de dag gzhan gyis mi ’phrogs shing nyon mongs pa’i dbang du mi ’gyur bar byed pa’o.
pha rol gyi phyogs bdud dang mu stegs can la sogs pa ste, de dag dang nyon mongs pa tshar gcod pa ni de dag mthu med cing nyams smod par byed pa’o.
nor bdun ni 1) dad pa dang, 2) tshul khrims dang, 3) ngo tsha shes pa dang, 4) khrel yod pa dang, 5) thos pa dang, 6) gtong ba dang, 7) shes rab kyi nor te, thos pa la de dag ’du bar ’gyur bas yang dag par ’du ba’i rnam pa zhes bya’o. de ltar ’phags pa’i nor bdun po ’phags pa’i nor ma yin pa’i nor las shin tu khyad zhugs pa de dag thos pa la yang dag par ’du ba’i phyir dbul ba thams cad gcod pa zhes bya ste, thos pa ’dis dbul ba thams cad gcod ces bya ba’i tha tshig go.
mdzangs pa ni rig pa’i gnas lnga khong du chud pa’i gang zag ste, thos pa ni nyes pa thams cad spong ba’i gnyen po yin pa dang, yon tan mchog rnams thob pa’i rgyu yin pa’i phyir mdzangs pa de dag gis bsngags pa’i rnam pa zhes bya’o. The five vidyāsthāna are shabda-, hetu-, adhyātma-, cikitsā-, and shilpakarmasthānavidyā, for ref. v. Edg s. v.
mkhas pa ni legs par bsams pa sems pa dang, legs par smra ba brjod pa dang, legs par bya ba’i las byed pa dang, legs par smras pa dang nyes par smras pa’i don khong du chud par nus pa ste, de lta bu dag thos pa la mos par byed pas mkhas pa la mngon par dga’ ba’i rnam pa zhes bya’o. ’phags pa nyan thos dang, rang sangs rgyas dang, de bzhin gsegs pa bdag gis kyang thos pa de lta bu thugs su chud pa’am, thos pa la ’phags pa rnams dgyes pas na thos pa ni ’phags pas kun shes pa’i rnam pa zhes bya’o.
’phags pa ma yin pa ni so so’i skye bo ste, thos pa’i shes rab de dag kyang dam pa’i chos la mos shing dad par byed nus pa’i phyir ’phags pa ma yin pa dad par byed pa’i rnam pa zhes bya’o.
thos pa’i shes rab las ’phags pa’i bden pa bzhi mthong ba ’byung ba’i phyir bden pa mthong ba’i rnam pa zhes bya’o.
zag pa dang bcas pa’i phung po’i skyon skye ba dang, rga ba la sogs pa rnam par spangs pa’i thabs kyang thos pa las ’byung bas na ’di skad ces bya’o. thos pa’i shes rab kyis ’khor ba’i chos rnams kyi skyon khong du chud par byed pas na ’dus byas kyi skyon la yongs su ’jal ba’i rnam pa zhes bya’o.
don la rton pa la sogs pa rton pa bzhi po yang thos pa las ’byung zhes bya bar sbyar te, de dag gi don ni rton pa bzhi’i skabs nas ’chad do.
thos pa dang ldan na sdig pa mi dge ba’i chos rnams mi byed pas sdig pa thams cad mi bya ba’i rnam pa zhes bya’o.
bdag dang gzhan la phan pa ni bdag dang gzhan mi dge ba’i gnas nas bton te, dge ba la ’jog pa’am shes pa’i mthar phyin par byed pa ste, de yang thos pa las byung zhes sbyar ro.
thos pa nyid dge ba’i rang bzhin yin pas legs par byas pa’i las kyi rnam pa zhes bya’o; de ltar legs par byas pas na mi ’gyod pa’i rnam pa ste, dge ba byas pa ni phyis: ’di lta bu ’gyur ro, snyam du sems la gdung ba med pa’i phyir ro. Reading these two items as one ākāra as in T1 p. 196a2-3 and as the Sanskrit version, and thus making up the right number 84 ākāras altogether, not as in all Tibetan versions, where the two are separate as two ākāras.
khyad par du ’gro ba ni yon tan khyad par can ma thob pa las thob par bya’am; yang na, mos pa spyod pa’i sa yan chad gong nas gong du sa rnams gnon pa la bya ste, de yang thos pa las ’byung bar sbyar ro.
sangs rgyas kyi chos thams cad ni stobs dang mi ’jigs pa la sogs pa ste, mdor na sangs rgyas kyi chos de dag thams cad kyang thos pa la brten nas ’thob par ’gyur gyi, de las thabs gzhan med pas na sangs rgyas kyi chos thams cad ’thob pa’i rnam pa zhes bya’o.