bcom ldan ’das ’di yaṅ byaṅ chub sems dpa’ sems (2) dpa’ chen po’i śes rab kyi pha rol tu phyin par rig par bgyi ste | gaṅ gzugs yoṅs su mi ’dzin | de bźin du gaṅ tshor ba daṅ ’du śes daṅ ’du byed rnams daṅ gaṅ rnam par śes pa yoṅs su mi ’dzin la | de bźin gśegs pa’i stobs bcu daṅ de bźin gśegs (3) pa’i mi ’jigs pa bźi daṅ saṅs rgyas kyi chos ma ’dres pa bcwa brgyad rnams yoṅs su ma rdzogs par bar ma dor yoṅs su mya ṅan las mi ’da’ ba ste | de bas na bcom ldan ’das ’di yaṅ byaṅ chub sems dpa’ sems dpa’ chen po’i śes rab kyi pha rol tu phyin par (4) rig par bgyi’o ||