bcom ldan ’das śes rab kyi pha rol tu phyin pa ’di gaṅ dag gi rna lam du grag par gyur pa’i sems can de dag gis kyaṅ sṅon gyi rgyal ba rnams la bgyi ba bgyis pa lags na | gaṅ ’dzin pa daṅ ’chaṅ ba daṅ klog pa daṅ kun chub par bgyid pa daṅ rab tu ’don pa (7) daṅ ston pa daṅ ñe bar ston pa daṅ luṅ ’bogs pa daṅ kha ton bgyid pa daṅ de bźin ñid du slob pa daṅ de bźin ñid du sgrub pa daṅ de bźin ñid du rnal ’byor du bgyid pa lta ci smos te | bcom ldan ’das sems can de dag gis ni de bźin gśegs pa la bsñen bkur bgyis pa (45b1) lags so ||