’phags pa rab ’byor gźan (2) yaṅ byaṅ chub sems dpa’ sems dpa’ chen po’i rjes su yi raṅ ba yoṅs su bsṅo ba daṅ ldan pa’i bsod nams bya ba’i dṅos po gaṅ yin pa daṅ | gaṅ yaṅ sems can thams cad kyi sbyin pa las byuṅ ba’i bsod nams bya ba’i dṅos po daṅ tshul khrims las byuṅ ba’i bsod nams bya (3) ba’i dṅos po daṅ bsgoms pa las byuṅ ba’i bsod nams bya ba’i dṅos po gaṅ yin pa de dag las byaṅ chub sems dpa’ sems dpa’ chen po’i rjes su yi raṅ ba yoṅs su bsṅo ba daṅ ldan pa’i bsod nams bya ba’i dṅos po ’di ñid mchog ces bya’o dam pa źes bya’o gtso bo źes bya’o rab ces (4) bya’o mchog rab ces bya’o gya nom pa źes bya’o bla ma źes bla na med pa źes bya’o ||