’di skad bdag gis thos pa dus gcig na | bcom ldan ’das rgyal po’i khab | bya rgod kyi phuṅ po’i ri la dge sloṅ stoṅ phrag du ma’i dge sloṅ gi dge ’dun chen po daṅ | thabs cig tu bźugs te | thams cad kyaṅ dgra bcom pa zag pa zad pa | ñon moṅs pa med (3) pa | dbaṅ daṅ ldan par gyur pa | sems śin tu rnam par grol ba | śes rab śin tu rnam par grol ba | caṅ śes pa | glaṅ po chen po | bya ba byas pa | byed pas byas pa | khur bor ba | bdag gi don rjes su thob pa | srid par kun tu sbyor ba | yoṅs su zad pa | (4) yaṅ dag pa’i śes pas sems śin tu rnam par grol ba | sems kyi dbaṅ thams cad kyi dam pa’i pha rol tu son pa śa stag ste | gaṅ zag gcig ma gtogs pa ni ’di lta ste | slob pa rgyun tu źugs pa tshe daṅ ldan pa kun dga’ bo’o ||