dge sloṅ ma lṅa brgya tsam daṅ | dge bsñen daṅ | (5) dge bsñen ma thams cad kyaṅ bden pa mthoṅ ba śa stag daṅ | byaṅ chub sems dpa’ sems dpa’ chen po stoṅ phrag du ma thams cad kyaṅ gzuṅs thob pa | tiṅ ṅe ’dzin thob pa | stoṅ pa ñid la gnas pa | mtshan ma med pa’i spyod yul ba | ma brtags pa’i smon lam daṅ ldan pa | (6) mñam pa ñid kyi bzod pa thob pa | spobs pa thogs pa med pa thob pa thams cad kyaṅ mṅon par śes pa lṅa daṅ ldan pa | gzuṅ ba’i tshig daṅ ldan pa | tshul ’chos pa med pa | śes kyi khe daṅ | rñed pa daṅ | bkur sti’i sems daṅ bral ba | zaṅ ziṅ med pa’i chos ston pa | (7) chos zab mo la bzod pa’i pha rol tu son pa | mi ’jigs pa thob pa | bdud kyi las las yaṅ dag par ’das pa | las kyi sgrib pa thams cad las rnam par grol ba | bstan pa’i chos ston pas bsags pa | bskal pa graṅs med pa nas smon lam śin tu bsags pa | bźin [b†phyogs†med†(2a) (2a1) ’dzum pa daṅ ldan pa | gsoṅ por smra ba | bźin khro gñer med pa | ’khor mtha’ yas pa zil gyis gnon pa’i mi ’jigs pa daṅ ldan pa | bskal pa bye ba phrag du mar bstan pas ṅes par ’byuṅ ba la mkhas pa | chos la sgyu ma daṅ | smig rgyu daṅ | rmi lam (2) daṅ | chu zla daṅ | mig yor daṅ | nam mkha’ daṅ | brag ca daṅ | dri za’i groṅ khyer daṅ | gzugs brñan daṅ | sprul pa lta bur mos pa | mi ’jigs pa tshad med pa daṅ ldan pa | sems can thams cad kyi sems kyi spyod pa daṅ | mos pa daṅ | phra ba mkhyen pa | (3) khoṅ du chud par bya ba la mkhas pa | sems can thams cad la źe ’gras pa med pa’i sems daṅ ldan pa | bzod pa chen po daṅ ldan pa | ji lta ba bźin du ’jug pa la mkhas pa | saṅs rgyas kyi źiṅ mtha’ yas par smon lam yoṅs su bzuṅ ba | ’jig rten gyi khams graṅs (4) med pa’i saṅs rgyas rjes su dran pa’i tiṅ ṅe ’dzin rtag tu rgyun mi ’chad par mṅon du gyur pa | saṅs rgyas dpag tu med pa la gsol ba ’debs pa la mkhas pa | lta ba sna tshogs kyis kun nas bslaṅ ba’i ñon moṅs pa spoṅ ba la mkhas pa | tiṅ ṅe ’dzin gyis rnam par rtse ba ’bum (5) mṅon par bsgrub pa la mkhas pa’i byaṅ chub sems dpa’ śa stag la ’di lta ste | byaṅ chub sems dpa’ sems dpa’ chen po bzaṅ skyoṅ daṅ | dkon mchog ’byuṅ gnas daṅ | ded dpon daṅ | na las byin daṅ | gzas byin daṅ | chu lhas byin daṅ | dbaṅ pos (6) byin daṅ | blo gros rgya chen daṅ | blo gros khyad par can daṅ | blo gros ’phal daṅ | mthoṅ ba don yod daṅ | śin tu yaṅ dag źugs daṅ | rab kyi rtsal gyis rnam par gnon pa daṅ | rtag tu brtson daṅ | brtson pa mi gtoṅ ba daṅ | ñi ma’i sñiṅ po daṅ | zla ba’i (7) sñiṅ po daṅ | blo gros dpe med daṅ | spyan ras gzigs dbaṅ phyug daṅ | ’jam dpal daṅ | lag na phyag rgya rin po che daṅ | byaṅ chub sems dpa’ rtag tu lag brkyaṅ daṅ | byaṅ chub sems dpa’ sems dpa’ chen po byams pa daṅ | de dag la sogs pa byaṅ chub sems dpa’ (2b1) stoṅ phrag du ma thams cad kyaṅ gźon nur gyur pa śa stag daṅ | thabs cig go ||