gsol pa | btsun pa bcom ldan ’das byaṅ chub sems dpa’ sems dpa’ chen po rnams kyis gaṅ la mṅon par źen par mi bgyi ba’i chos de dag thams cad gaṅ lags | bcom ldan ’das (5) kyis bka’ stsal pa | śa ra d ti’i bu chos thams cad ces bya ba ni ’di lta ste | phuṅ po lṅa daṅ | skye mched bcu gñis daṅ | khams bcwa brgyad daṅ | ’phags pa’i bden pa bźi daṅ | rten ciṅ ’brel bar ’byuṅ ba yan lag bcu gñis daṅ | dran pa ñe bar gźag pa bźi daṅ | yaṅ dag (6) par spoṅ ba bźi daṅ | rdzu ’phrul gyi rkaṅ pa bźi daṅ | dbaṅ po lṅa daṅ | stobs lṅa daṅ | byaṅ chub kyi yan lag bdun daṅ | ’phags pa’i lam yan lag brgyad pa daṅ | rnam par thar pa’i sgo stoṅ pa ñid daṅ | rnam par thar pa’i sgo mtshan ma med pa daṅ | rnam par thar pa’i sgo smon pa med (7) pa ñid daṅ | bsam gtan bźi daṅ | tshad med pa bźi daṅ | gzugs med pa’i sñoms par ’jug pa bźi daṅ | gzugs med pa’i sñoms par ’jug pa bźi daṅ | rnam par thar pa brgyad daṅ | mthar gyis gnas pa’i sñoms par ’jug pa dgu daṅ | ’du śes dgu daṅ | rjes su dran pa bcu daṅ | ’du śes kyi rnam pa drug daṅ | (3b1) chos śes pa daṅ | rjes su rtogs pa źes pa daṅ | pha rol gyi sems śes pa daṅ | pha rol gyi sems śes pa daṅ | kun rdzob śes pa daṅ | sdug bsṅal śes pa daṅ | kun ’byuṅ śes pa daṅ | ’gog pa śes pa daṅ | lam śes pa daṅ | zad pa śes pa daṅ | mi skye ba śes pa daṅ | ji lta ba bźin du śes pa (2) daṅ | de bźin du rtog pa daṅ bcas dpyod pa daṅ bcas pa’i tiṅ ṅe ’dzin daṅ | rtog pa med pa la dpyod pa tsam gyi tiṅ ṅe ’dzin daṅ | mi rtog mi dpyod pa’i tiṅ ṅe ’dzin daṅ | mi śes pa kun śes par byed pa’i dbaṅ po daṅ | kun śes pa’i dbaṅ po daṅ | kun śes pa daṅ ldan pa’i dbaṅ (3) po daṅ | zil gyis gnon pa’i skye mched brgyad daṅ | zad par gyi skye mched bcu daṅ | stoṅ pa ñid bcwa brgyad daṅ | de bźin gśegs pa’i stobs bcu daṅ | mi ’jigs pa bźi daṅ | so so yaṅ dag par rig pa bźi daṅ | byams pa chen po daṅ | sñiṅ rje chen po daṅ | saṅs rgyas (4) kyi chos ma ’dres pa bcwa brgyad daṅ | de bźin du thams cad śes pa ñid daṅ | lam gyi rnam pa śes pa ñid daṅ | rnam pa thams cad mkhyen pa ñid daṅ | pha rol tu phyin pa drug daṅ | mṅon par śes pa lṅa daṅ | mig lṅa daṅ | skyes bu chen po’i mtshan sum cu rtsa gñis daṅ | dpe (5) byad bzaṅ po brgyad cu po dag ste | gaṅ la byaṅ chub sems dpa’ sems dpa’ chen po rnams kyis mṅon par źen par mi bya ba’i chos thams cad ni de dag yin no ||