de la yaṅ dag par spoṅ ba bźi gaṅ źe na | ’di la byaṅ chub sems dpa’ sems dpa’ chen po sdig pa mi dge ba’i chos ma skyes pa rnams mi bskyed (7) ba’i phyir ’dun pa skyed cig ’bad la brtson ’grus rtsom ste | sems rab tu ’dzin ciṅ yaṅ dag par rab tu ’jog pa daṅ | sdig pa mi dge ba’i chos skyes pa rnams spaṅ ba’i phyir ’dun pa skyed ciṅ ’bad la brtson ’grus rtsom ste | sems rab tu ’dzin ciṅ yaṅ dag par rab tu ’jog pa daṅ | dge (5a1) ba’i chos ma skyes pa rnams bskyed pa’i phyir ’dun pa skyed ciṅ ’bad la brtson ’grus rtsom ste | sems rab tu ’dzin ciṅ yaṅ dag par rab tu ’dzag pa daṅ | dge ba’i chos skyes pa rnams gnas pa daṅ | mi brjed pa daṅ | śin tu rgyas pa daṅ | phyir źiṅ bsgom pa yoṅs (2) su rdzogs par bya ba’i phyir ’dun pa skyed ciṅ ’bad la brtson ’grus rtsom ste | sems rab tu ’dzin ciṅ yaṅ dag par rab tu ’jog pa ste | de dag ni yaṅ dag pa’i spoṅ ba bźi źes bya’o ||