de la bsam gtan bźi gaṅ źe na | ’di lta ste | ’dod pa dag las dben pa | sdig pa mi dge ba’i chos rnams las dben pa | rtog pa daṅ bcas pa | (5) dpyod pa daṅ bcas pa | dben pa las skyes pa’i dga’ ba daṅ | bde ba can bsam gtan daṅ po bsgrubs te gnas pa daṅ | de rtog pa daṅ | dpyod pa daṅ bral źiṅ naṅ yoṅs su daṅ ste | sems kyi rgyud gcig tu gyur pas rtog pa med pa | dpyod pa med pa | tiṅ ṅe ’dzin las skyes (6) pa’i dga’ ba daṅ | bde ba can bsam gtan gñis pa bsgrubs te | gnas pa daṅ | de dga’ ba’i ’dod chags daṅ bral bas btaṅ sñoms la gnas śiṅ dran pa daṅ śes bźin can yin te | bde ba lus kyis myoṅ la | ’phags pa rnams kyis gaṅ de la dran pa daṅ ldan pa | bde ba (7) daṅ ldan pa | bde ba la gnas pa | btaṅ sñoms pa’o źes brjod pa ste | dga’ ba med pa’i bsam gtan gsum pa bsgrubs te | gnas pa daṅ | de bde ba yaṅ spaṅs te sṅa nas sdug bsṅal yaṅ spaṅs śiṅ yid bde ba daṅ | yid mi bde ba yaṅ nub par sdug bsṅal yaṅ ma yin | bde (6a1) ba yaṅ ma yin | btaṅ sñoms daṅ dran pa yoṅs su dag pa | bsam gtan bźi pa bsgrubs nas gnas pa ste | de dag ni bsam gtan bźi źes bya’o ||