de la raṅ gi mtshan ñid stoṅ pa ñid gaṅ źe na | raṅ gi mtshan ñid ces bya ba la gzugs kyi mtshan ñid ni gzugs su ruṅ ba | tshor ba’i mtshan ñid ni myoṅ ba | ’du śes kyi mtshan ñid ni kun tu śes par byed pa | ’du byed rnams kyi mtshan ñid ni mṅon par (2) ’du byed pa | rnam par śes pa’i mtshan ñid ni rnam par śes par byed pa ste | ’dus byas kyi chos rnams kyi mtshan ñid gaṅ yin pa gaṅ yin pa daṅ ’dus ma byas kyi chos rnams kyi mtshan ñid gaṅ yin pa’i bar du de bźin du sbyar te | ther zug tu gnas pa med pa daṅ | ’jig pa med pa’i phyir (3) mtshan ñid de dag thams cad ni raṅ gi mtshan ñid kyis stoṅ ṅo ||