ji ltar na gźan gyis dṅos po gźan gyi dṅos pos stoṅ źe na | gaṅ (4) de bźin gśegs pa rnams byuṅ yaṅ ruṅ | de bźin gśegs pa rnams ma byuṅ yaṅ ruṅ | chos rnams kyi chos gnas pa ñid daṅ | chos kyi dbyiṅs daṅ | chos skyon med pa ñid daṅ | de bźin ñid daṅ | phyin ci ma log pa de bźin ñid daṅ | gźan ma yin pa de bźin ñid (5) daṅ | yaṅ dag pa’i mtha’ ni gnas pa ñid de | chos ’di dag gi gźan gyi stoṅ pa gaṅ yin pa de ni gźan gyi dṅos po gźan gyi dṅos pos stoṅ pa źes bya ste | śa ra dwa ti’i bu gaṅ la byaṅ chub sems dpa’ sems dpa’ chen pos mṅon par źen par mi bya ba’i chos thams cad (6) ni de dag yin no ||