śes rab kyi pha rol tu phyin pa khri pa | bam po gñis pa daṅ | de nas yaṅ bcom ldan ’das kyis tshe daṅ ldan pa śa ra dwa ti’i bul bka’ stsal pa | śa ra dwa ti’i bu de la de bźin gśegs pa’i stobs bcu gaṅ źe na | ’di lta ste | de bźin (12a1) gśegs pas gnas la yaṅ gnas su yaṅ dag pa ji lta ba bźin du rab tu śes | gnas ma yin pa la yaṅ gnas ma yin par yaṅ dag pa ji lta ba bźin du rab tu śes pas daṅ | ’das pa daṅ | ma ’oṅs pa daṅ | da ltar byuṅ ba’i las rnams daṅ | las yaṅ dag par (2) len pa rnams kyi rnam par smin pa gnas kyi sgo daṅ | rgyu’i sgo nas yaṅ dag pa ji lta ba bźin du rab tu śes pa daṅ | ’jig rten gyi khams dum pa | khams sna tshogs pa | yaṅ dag pa ji lta ba bźin du rab tu śes pa daṅ | des sems can gźan dag daṅ | gaṅ zag gźan rnams (3) kyi mos pa sna tshogs ñid daṅ | mos pa du ma ñid yaṅ dag pa ji lta ba bźin du rab tu śes pa daṅ | des sems can gźan dag daṅ | gaṅ zag gźan rnams kyi dbaṅ po mchog daṅ | mchog ma yin pa ñid yaṅ dag pa ji lta ba bźin du rab tu śes pa daṅ | thams cad du ’gro (4) ba’i lam yaṅ dag par ji lta ba bźin du rab tu śes pa daṅ | dbaṅ po daṅ | stobs daṅ | byaṅ chub kyi yan lag daṅ | rnam par thar pa daṅ | bsam gtan daṅ | tiṅ ṅe ’dzin daṅ | sñoms par ’jug pa’i kun nas ñon moṅs pa daṅ | rnam par byaṅ ba daṅ | ldaṅ ba śes pa yaṅ dag par (5) ji lta ba bźin du rab tu śes pa daṅ | sṅon gyi gnas rnam pa du ma rjes su dran pa daṅ | sems can rnams kyi ’chi ’pho daṅ | skye ba yaṅ dag pa ji lta ba bźin du rab tu śes pa daṅ | zag pa rnams zad pas zag pa med par sems rnam par grol ba daṅ | śes rab rnam par grol ba’i tshe ’di (6) ñid la raṅ gi mṅon par śes pas mṅon sum du byas nas bsgrubs te gnas śiṅ bdag gi skye ba ni zad do ||