tshaṅs pa’i ’khor lo sṅon dge sbyoṅ ṅam | bram ze’am | lha’am | bdud dam | tshaṅs pa’am | sus kyaṅ ’jig rten na chos daṅ ’thun (5) par ma bskor bar bskor ro źes bya ba daṅ | ṅas bar du gcod pa’i chos gaṅ dag bśad pa de dag bsten kyaṅ bar du gcod par mi ’gyur te | de ni gnas med do źes dam bcas na ’dir dge sbyoṅ ṅam | bram ze’am | lha’am | bdud dam | tshaṅs pa’am | su yaṅ ruṅ ba ’ga’ źig (6) ’jig rten na chos daṅ ’thun par bdag la rgol ba’i rgyu de yaṅ dag par rjes su mi mthoṅ ste | ṅas rgyu de yaṅ dag par rjes su ma mthoṅ bas bde ba thob ste | gnas śiṅ bag tsha ba med pa thob la mi ’jigs pa thob ste | gnas kyis kyu mchog rlabs po che’i gnas su dam bca’o ||