tshaṅs pa’i ’khor lo sṅon dge sbyoṅ ṅam | bram ze’am | lha’am | bdud dam | tshaṅs pa’am | sus kyaṅ ’jig rten du chos daṅ ’thun par ma bskor bar bskor ro źes bya ba daṅ | ṅas ñan thos rnams la ’phags pa ṅes par ’byin pa (13a1) ṅes par ’byed pa de byed pa sdug bsṅal yaṅ dag par zad par ’gyur ba’i lam gaṅ bśad pa de bsgrubs na | ṅes par ’byin pa ma yin źiṅ sdug bsṅal yaṅ dag par zad par mi ’gyur te | de ni gnas med do źes ’dir dge sbyoṅ ṅam | bram ze’am | lha’am | (2) bdud dam tshaṅs pa’am | su yaṅ ruṅ ba ’ga’ źig ’jig rten na chos daṅ ’thun par rgol ba’i rgyu de yaṅ dag par rjes su mi mthoṅ ste | ṅas rgyu de yaṅ dag par rjes su ma mthoṅ bas | bde ba thob ste gnas śiṅ bag tshad ba med pa thob la mi ’jigs pa ’thob ste | gnas kyis khyu mchog (3) rlabs po che’i gnas su dam bca’o ||