de la saṅs rgyas kyi chos ma ’dres pa bco brgyad gaṅ źe na | ’di lta ste | de bźin gśegs pa la ’khrul ba med pa daṅ | ca co med pa daṅ | bsñel ba med pa daṅ | (7) tha dad pa’i ’du śes med pa daṅ | sems mñam par ma bźag pa med pa daṅ | so sor ma brtags pa’i btaṅ sñoms med pa daṅ | ’dun pa ñams pa med pa daṅ | brtson ’grus ñams pa med pa daṅ | dran pa ñams pa med pa daṅ | tiṅ ṅe ’dzin ñams pa med pa daṅ | śes (13b1) rab ñams pa med pa daṅ | rnam par grol ba ñams pa med pa daṅ | rnam par grol ba’i ye śes mthoṅ ba ñams pa med pa skaṅ | lus kyi las thams cad ye śes sṅon du ’gro źiṅ ye śes kyi rjes su ’braṅ ba daṅ | ṅag gi las thams cad ye śes sṅon du ’gro źiṅ ye śes kyi rjes su (2) ’braṅ ba daṅ | yid kyi las thams cad ye śes sṅon du ’gro źiṅ ye śes kyi rjes su ’braṅ ba daṅ | ’das pa’i dus la ma chags ma thogs pa’i ye śes mthoṅ ba ’jug pa daṅ | ma ’oṅs pa’i dus la ma chags ma thogs pa’i ye śes mthoṅ ba ’jug pa daṅ | da ltar byuṅ ba’i dus la (3) ma chags ma thogs pa’i ye śes mthoṅ ba ’dug pa ste | de dag ni saṅs rgyas kyi chos ma ’dres pa bcwa brgyad ces bya’o ||