de la so so’i skye bo rnams daṅ | thun moṅ ma yin pa’i chos rnams gaṅ źe na | byaṅ chub kyi phyogs kyi chos sum cu rtsa bdun (18b1) daṅ | stobs bcu daṅ | mi ’jigs pa bźi daṅ | so so yaṅ dag par rig pa bźi daṅ | rnam par thar pa’i sgo gsum daṅ | saṅs rgyas kyi chos ma ’dres pa bcwa brgyad kyi bar dag ste | de dag ni thun moṅ ma yin pa’i chos rnams źes bya ste | śa ra dwa ti’i bu de ltar na kun rdzob tu (2) byaṅ chub sems dpa’ rnams chos thams cad tha dad par mthoṅ mod kyi | don dam par ni mṅon par źen par mi byed do ||