gsol pa | bcom ldan ’das byaṅ chub sems dpa’ sems dpa’ chen po’i chos thams cad la lta ba yoṅs su ’dzin pa gaṅ lags | bcom ldan ’das kyis bka’ (2) stsal pa | śa ra dwa ti’i bu byaṅ chub sems dpa’ sems dpa’ chen po phuṅ po daṅ | khams daṅ | skye mched daṅ | ’phags pa’i bden pa daṅ | rten ciṅ ’brel par ’byuṅ bar lta ba gaṅ yin pa daṅ | de bźin du dran pa ñe bar gźag pa daṅ | yaṅ dag par spoṅ ba daṅ | rdzu ’phrul gyi rkaṅ pa (3) daṅ | dbaṅ po daṅ | stobs daṅ | byaṅ chub kyi yan lag daṅ | ’phags pa’i lam yan lag brgyad pa daṅ | rnam par thar par lta ba daṅ | bsam gtan daṅ | tshad med pa daṅ | gzugs med pa’i sñoms par ’jug par lta ba daṅ | de bźin du ’du śes su lta ba daṅ | rjes su (4) dran par lta ba daṅ | ’du śes kyi rnam par lta ba daṅ | śes par lta ba daṅ | tiṅ ṅe ’dzin du lta ba daṅ | dbaṅ por lta ba daṅ | zil gyis gnon pa’i skye mched du lta ba daṅ | zad par gyi skye mched du lta ba daṅ | stoṅ pa ñid du lta ba daṅ | de bźin du de bźin gśegs pa’i stobs bcu (5) daṅ | mi ’jigs pa daṅ | so so yaṅ dag par rig pa daṅ | byams pa chen po daṅ | sñiṅ rje chen po daṅ | saṅs rgyas kyi chos ma ’dres pa bcwa brgyad daṅ | thams cad śes pa ñid daṅ | lam gyi rnam par śes pa ñid du lta ba daṅ | de bźin du pha rol tu phyin par lta ba daṅ | mṅon par (6) śes par lta ba daṅ | miṅ du lta ba daṅ | mtshan du lta ba daṅ | dpe byad bzaṅ por lta ba ste | śa ra dwa ti’i bu de ni byaṅ chub sems dpa’ sems dpa’ chen po’i chos thams cad la lta ba yoṅs su ’dzin pa yin no ||