btsun pa bcom ldan ’das ’di ltar gzugs ma mchis śiṅ mi dmigs lags (5) na | gzugs dṅos por mthoṅ ba’am | dṅos po ma mchis par mthoṅ ba’am | dṅos po daṅ dṅos po ma mchis par mthoṅ bas rnam par grol bar lta gal ’gyur lags | de bźin du tshor ba daṅ | ’du śes daṅ | ’du byed rnams daṅ | rnam par śes pa daṅ | de bźin du mig daṅ | (6) de bźin du sbyar te | yid kyi bar daṅ | de bźin du gzugs rnams daṅ | de bźin du sbyar te | chos rnams kyi bar daṅ | de bźin du mig gi khams daṅ | de bźin du sbyar te | yid kyi rnam par śes pa’i khams kyi bar daṅ | de bźin du ’phags pa’i bden pa rnams daṅ | de bźin du (7) sbyar te | rga śi’i bar daṅ | de bźin du dran pa ñe bar gźag pa rnams daṅ | de bźin du sbyar te | ’phags pa’i lam yan lag brgyad pa’i bar daṅ | de bźin du rnam par thar pa’i sgo rnams daṅ | de bźin du sbyar te | dṅos po med pa’i ṅo bo ñid stoṅ pa ñid kyi bar daṅ | de bźin du (29a1) de bźin gśegs pa’i stobs bcu daṅ | de bźin du sbyar te | rnam pa thams cad mkhyen pa ñid kyi bar daṅ | de bźin du pha rol tu phyin pa drug daṅ | de bźin du sbyar te | dpe byad bzaṅ po brgyad cu’i bar dag ma mchis śiṅ mi dmigs lags na | de dag dṅos (2) por mthoṅ ba’am | dṅos po ma mchis par mthoṅ ba’am | dṅos po daṅ dṅos po ma mchis par mthoṅ bas ram par grol bar lta ga la ’gyur lags | de ci’i slad du źe na | btsun pa bcom ldan ’das ’di ltar ñon moṅs pa ni mtshan ma lags pa’i slad du’o ||