btsun pa bcom ldan ’das byaṅ chub sems dpa’ sems dpa’ chen po rnams kyi pha rol tu phyin pa ’di ni rgya che ba pha rol tu phyin pa’i mchog | pha rol tu phyin pa khyad par du ’phags pa | pha rol tu (2) phyin pa rab mchog | pha rol tu phyin pa bla na ma mchis pa | pha rol tu phyin pa goṅ na ma mchis pa lags te | btsun pa bcom ldan ’das ’di lta ste | śes rab kyi pha rol tu phyin pa ’di ni byaṅ chub sems dpa’ sems dpa’ chen po rnams kyi pha rol tu phyin pa mi mñam pa daṅ mñam pa | pha rol tu phyin pa (3) źi ba dul ba | pha rol tu phyin pa raṅ gi mtshan ñid kyis stoṅ pa | pha rol tu phyin pa dṅos po med pa’i ṅo bo ñid stoṅ pa ñid pha rol tu phyin pa yo tan thams cad yoṅs su rgyas pa | pha rol tu phyin pa yon tan thams cad daṅ ldan pa | pha rol tu phyin pa mi rdzi ba ñid lags so ||