byaṅ chub sems dpa’ sems dpa’ chen po de ltar śes rab kyi pha rol tu phyin pa la gnas pas | gzugs kyi tshig bla dgas mi dmigs | (6) de bźin du sbyar te | gzugs dṅos po med pa’i bar gyi tshig bla dgas mi dmigs | de bźin du tshor ba daṅ | ’du śes daṅ | ’du byed rnams daṅ | rnam par śes pa’i tshig bla dgas mi dmigs pa nas de bźin du sbyar te | rnam par śes pa’i dṅos po med pa’i bar gyi tshig bla dgas (7) mi dmigs | de bźin du sbyar te | ma rig pa’i bar gyi tshig bla dgas mi dmigs śiṅ | rga śi’i bar gyi tshig bla dgas mi dmigs pa nas | dṅos po med pa’i bar gyi tshig bla dgas mi dmigs par phuṅ po’i skabs su ji skad bstan pa de bźin du sbyar bar bya ste | de ltar śes rab kyi pha rol tu (54a1) phyin pa la bslab par bya’o ||