btsun pa bcom ldan ’das gal (4) te byaṅ chub gaṅ lags pa daṅ | byaṅ chub sems dpa’i gźi’i don gaṅ lags pa’i chos de dag thams cad ni ldan pa yaṅ ma lags | mi ldan pa yaṅ ma lags | gzugs ma mchis pa | bstan du ma mchis pa | thogs pa ma mchis pa | ’di lta ste | mtshan (5) ñid ma mchis par mtshan ñid gcig pa lags na | ’o na la la źig ’di skad du ’dri ste | gal te chos thams cad ni ldan pa yaṅ ma yin | mi ldan pa yaṅ ma yin | gzugs med pa | bstan du med pa | thogs pa med pa ste | ’di lta ste | mtshan ñid med par (6) mtshan ñid gcig pa yin na | ci sgyu ma’i skyes bu ’di śes rab kyi pha rol tu phyin pa la bslabs nas | rnam pa thams cad mkhyen pa ñid du ṅes par ’byuṅ bar ’gyur ram | źes de skad du dris na | de la bdag gis lan ji skad du gdab par bgyi | de bźin du ci sgyu ma’i skyes (7) bu ’di bsam gtan gyi pha rol tu phyin pa la bslabs | brtson ’grus kyi pha rol tu phyin pa la bslabs | bzod pa’i pha rol tu phyin pa la bslabs | tshul khrims kyi pha rol tu phyin pa la bslabs | sbyin pa’i pha rol tu phyin pa la bslabs nas | rnam pa thams cad mkhyen pa (58a1) ñid du ṅes par ’byuṅ bar ’gyur ram | de bźin du ci sgyu ma’i skyes bu ’di dran pa ñe bar gźag pa rnams la bslabs nas | rnam pa thams cad mkhyen pa ñid du ṅes par ’byuṅ bar ’gyur ram | de bźin du sbyar te | ci sgyu ma’i skyes bu ’di ’phags pa’i lam yan (2) lag brgyad pa’i bar la bslabs nas | rnam pa thams cad mkhyen pa ñid du ṅes par ’byuṅ bar ’gyur ram | de bźin du sbyar te | ci sgyu ma’i skyes bu ’di de bźin gśegs pa’i stobs bcu la bslabs nas | rnam pa thams cad mkhyen pa ñid du ṅes par ’byuṅ bar ’gyur ram | (3) de bźin du sbyar te | ci sgyu ma’i skyes bu ’di saṅs rgyas kyi chos ma ’dres pa bcwa brgyad kyi bar la bslabs nas | rnam pa thams cad mkhyen pa ñid du ṅes par ’byuṅ bar ’gyur ram źes bgyi ba nas | ci sgyu ma’i skyes bu ’di thams cad mkhyen pa’i ye śes la bslabs nas | (4) rnam pa thams cad mkhyen pa ñid du ṅes rapa ’byuṅ bar ’gyur ram źes dris na | btsun pa bcom ldan ’das de la bdag gis lan ji skad gdab par bgyi | de skad ces gsol pa daṅ | bcom ldan ’das kyis tshe daṅ ldan pa śa ra dwa ti’i bu la ’di skad ces bka’ (5) stsal to ||