gsol pa | btsun pa bcom ldan ’das byaṅ chub sems dpa’ sems dpa’ chen po śes rab kyi pha rol tu phyin pa la spyod pa | gaṅ la spyod na byaṅ chub sems dpa’ sems dpa’ chen po śes rab kyi pha rol tu phyin pa bstan pa ’di thos (3) nas | mi skrag mi dṅaṅ źiṅ dṅaṅ bar mi ’gyur ba’i thabs la mkhas pa gaṅ lags | bcom ldan ’das kyis bka’ stsal pa | śa ra dwa ti’i bu ’di la byaṅ chub sems dpa’ sems dpa’ chen po śes rab kyi pha rol tu phyin pa la spyod pa na | rnam pa thams cad mkhyen pa (4) ñid daṅ ldan pa’i sems kyis gzugs mi rtag ces bya ba’i rnam par so sor rtog ste | de yaṅ mi dmigs la | de bźin du rnam pa thams cad mkhyen pa ñid daṅ ldan pa’i sems kyis tshor ba daṅ | ’du śes daṅ | ’du byed rnams daṅ | rnam par śes pa mi rtag ces bya ba’i (5) rnam par so sor rtog ciṅ de yaṅ mi dmigs te | śa ra dwa ti’i bu ’di ni byaṅ chub sems dpa’ sems dpa’ chen po śes rab kyi pha rol tu phyin pa la spyod pa’i thabs la mkhas pa yin no ||