śa ra dwa ti’i bu byaṅ chub sems dpa’ sems dpa’ chen po de de ltar so sor rtog ciṅ | gaṅ gi tshe sems can thams cad la gzugs daṅ | de bźin du rnam par śes pa’i bar du mi rtag ces bya bar chos ston ciṅ | de yaṅ mi dmigs pa’i tshul (3) gyis ston pa daṅ | gzugs daṅ de bźin du rnam par śes pa’i bar du sdug bsṅal źes bya bar chos ston ciṅ | de yaṅ mi dmigs pa’i tshul gyis ston pa daṅ | gzugs daṅ de bźin du rnam par śes pa’i bar du bdag med ces bya bar chos ston ciṅ | de yaṅ mi dmigs (4) pa’i tshul gyis ston pa daṅ | gzugs daṅ | de bźin du rnam par śes pa’i bar du stoṅ źes bya bar chos ston ciṅ | de yaṅ mi dmigs pa’i tshul gyis ston pa daṅ | gzugs daṅ | de bźin du rnam par śes pa’i bar du mtshan ma med ces bya bar chos ston ciṅ | de yaṅ (5) mi dmigs pa’i tshul gyis ston pa daṅ | gzugs daṅ | de bźin du rnam par śes pa’i bar du smon pa med ces bya bar chos ston ciṅ | de yaṅ mi dmigs pa’i tshul gyis ston pa daṅ | gzugs daṅ | de bźin du rnam par śes pa’i bar du źi źes bya bar chos ston ciṅ (6) de yaṅ mi dmigs pa’i tshul gyis ston pa daṅ | gzugs daṅ | de bźin du rnam par śes pa’i bar du dben źes bya bar chos ston ciṅ | de yaṅ mi dmigs pa’i tshul gyis ston pa daṅ | gzugs daṅ | de bźin du rnam par śes pa’i bar du skye ba med ces (7) bya bar chos ston ciṅ | de yaṅ mi dmigs pa’i tshul gyis ston pa daṅ | gzugs daṅ | de bźin du rnam par śes pa’i bar du ’gag pa med ces bya bar chos ston ciṅ | de yaṅ mi dmigs pa’i tshul gyis ston pa daṅ | gzugs daṅ | de bźin du rnam par śes (62a1) ba’i bar du dṅos po med ces bya bar chos ston ciṅ | de yaṅ mi dmigs pa’i tshul gyis ston pa de ni | śa ra dwa ti’i bu byaṅ chub sems dpa’ sems dpa’ chen po śes rab kyi pha rol tu phyin pa la spyod pa’i sbyin pa’i pha rol tu phyin pa’o ||