de bźin du ñan thos daṅ | raṅ saṅs rgyas kyi yid la byed pa daṅ ldan pa dag gis tshor ba daṅ | ’du śes daṅ | ’du byed rnams daṅ | rnam par śes pa bdag med ces bya ba daṅ | stoṅ (6) źes bya ba daṅ | mtshan ma med ces bya ba daṅ | smon pa med ces bya ba daṅ | dben źes bya ba daṅ | rnam par byaṅ źes bya ba daṅ | skye ba med ces bya ba daṅ | ’gag pa med ces bya ba daṅ | dṅos po med ces bya bar yid la mi byed ciṅ | de yaṅ (7) mi dmigs pa’i tshul gyis te | śa ra dwa ti’i bu de ni byaṅ chub sems dpa’ sems dpa’ chen po śes rab kyi pha rol tu phyin pa la spyod pa’i tshul khrims kyi pha rol tu phyin pa la mchog tu ’dzin pa med pa yin no ||