śa ra dwa ti’i bu gźan yaṅ byaṅ chub sems dpa’ sems dpa’ chen po’i dge ba’i bśes gñen ni gaṅ mig sdug bsṅal źes bya ba daṅ | bdag med ces bya ba daṅ | stoṅ źes bya ba daṅ | mtshan (3) ma med ces bya ba daṅ | smon pa med ces bya ba daṅ | źi źes bya ba daṅ | dben źes bya ba daṅ | rnam par byaṅ źes bya ba daṅ | skye ba med ces bya ba daṅ | ’gag pa med ces bya ba daṅ | dṅos po med ces bya bar chos ston ciṅ | de yaṅ mi dmigs pa’i tshul gyis ston pa (4) daṅ | yid kyi bar du yaṅ sdug bsṅal źes bya ba daṅ | bdag med ces bya ba daṅ | stoṅ źes bya ba daṅ | mtshan ma med ces bya ba daṅ | smon pa med ces bya ba daṅ | źi źes bya ba daṅ | dben źes bya ba daṅ | rnam par byaṅ źes bya ba daṅ | skye ba med ces bya ba daṅ | (5) ’gag pa med ces bya ba daṅ | dṅos po med ces bya bar chos ston ciṅ | de yaṅ mi dmigs pa’i tshul gyis ston la | dge ba’i rtsa ba de dag kyaṅ rnam pa thams cad mkhyen pa ñid ma gtogs par ñan thos daṅ | raṅ saṅs rgyas kyi sar yoṅs su mi bsṅo ba ste | de ni byaṅ chub (6) sems dpa’ sems dpa’ chen po’i dge ba’i bśes gñen yin no ||