śa ra dwa ti’i bu gźan yaṅ byaṅ chub sems dpa’ sems dpa’ chen po’i dge ba’i bśes gñen ni | gaṅ dran pa ñe bar gźag pa (4) bsgom pa’i phyir chos ston par byed pa nas | dran pa ñe bar gźag pa dben pa ñid kyi phyir chos ston ciṅ | de yaṅ mi dmigs pa’i tshul gyis ston pa daṅ | de bźin du yaṅ dag pa’i spoṅ ba bsgom pa’i phyir daṅ | rdzu ’phrul gyi rkaṅ pa bsgom pa’i phyir daṅ | dbaṅ po daṅ | (5) stobs daṅ | byaṅ chub kyi yan lag daṅ | lam bsgom pa’i phyir chos ston ciṅ | de yaṅ mi dmigs pa’i tshul gyis ston pa daṅ | de bźin du stoṅ pa ñid daṅ | mtshan ma med pa daṅ | smon pa med pa bsgom pa’i phyir chos ston ciṅ | de yaṅ mi dmigs pa’i tshul gyis (6) ston pa daṅ | de bźin du de bźin gśegs pa’i stobs bcu bsgom pa’i phyir | chos ston pa nas | de bźin du sbyar te | saṅs rgyas kyi chos ma ’dres pa bcwa brgyad kyi bar dag bsgom pa’i phyir chos ston ciṅ | de yaṅ mi dmigs pa’i tshul gyis ston la | dge ba’i rtsa (7) pa de dag kyaṅ rnam pa thams cad mkhyen pa ñid ma gtogs par ñan thos daṅ | raṅ saṅs rgyas kyi sar yoṅs su mi bsṅo ba ste | śa ra dwa ti’i bu de ni byaṅ chub sems dpa’ sems dpa’ chen po’i dge ba’i bśes gñen yin no ||