śa ra dwa ti’i bu ’di la byaṅ chub sems dpa’ sems dpa’ chen po rnam pa thams cad mkhyen pa ñid daṅ ldan pa’i (5) yid la byed pa dag daṅ bral bas śes rab kyi pha rol tu phyin pa bsgom źiṅ | śes rab kyi pha rol tu phyin pa de yaṅ dmigs la | des kyaṅ rlom sems su byed pa daṅ | de bźin du bsam gtan gyi pha rol tu phyin pa bsgom pa daṅ | brtson ’grus kyi pha rol tu phyin pa (6) daṅ | bzod pa’i pha rol tu phyin pa daṅ | tshul khrims kyi pha rol tu phyin pa daṅ | sbyin pa’i pha rol tu phyin pa bsgom źiṅ | sbyin pa’i pha rol tu phyin pa’i bar de dag kyaṅ dmigs la sbyin pa’i pha rol tu phyin pa’i bar des kyaṅ rlom sems su byed par ste | śa ra dwa ti’i bu de ltar na byaṅ (7) chub sems dpa’ śes rab kyi pha rol tu phyin pa la thabs la mi mkhas pa yin źiṅ | sdig pa’i grogs po’i lag tu soṅ ba yin no ||