śa ra dwa ti’i bu gźan yaṅ bdud sdig can mkhan po daṅ | slob (2) dpon gyi cha byad du bsgyur ciṅ ’oṅs nas | byaṅ chub sems dpa’i spyod pa daṅ ’bral bar byed | rnam pa thams cad mkhyen pa ñid daṅ ldan pa’i yid la byed pa dag daṅ ’bral bar byed | dran pa ñe bar gźag pa dag daṅ ’bral bar byed pa nas de bźin du sbyar te | ’phags pa’i (3) lam yan lag brgyad pa’i bar dag daṅ ’bral bar byed la | stoṅ pa ñid daṅ | mtshan ma med pa daṅ | smon pa med pa dag daṅ sbyor bar byed | yaṅ dag par ’dzin du ’jug ciṅ | ’di skad du kye rigs kyi bu khyod kyis chos ’di dag bsgoms la | ñan thos kyis mṅon du (4) gyis śig | bla na med pa yaṅ dag par rdzogs pa’i byaṅ chub mṅon par rdzogs par saṅs rgyas pas khyod la ci źig bya źes zer ba’i bdud kyi las de lta bu de dag mi rjod mi ston ciṅ | yaṅ dag par rtogs par mi byed pa gaṅ yin pa de ni byaṅ chub sems dpa’ sems dpa’ chen po’i (5) sdig pa’i grogs por rig par bya’o ||