śa ra dwa ti’i bu gźan yaṅ bdud sdig can mi snaṅ ba’i cha byad du bsgyur ciṅ | byaṅ chub sems dpa’ sems dpa’ chen po’i druṅ du ’oṅs nas ’di skad du rigs kyi bu tshur śog | gaṅ gi don du bskal pa tshad med graṅs med par ’khor ba na (6) ’khor źiṅ lag pa bcad pa daṅ | rkaṅ pa bcad pa daṅ | mgo bcad pa dpag tu med pa dag ñams su myoṅ bar ’gyur źiṅ | bla na med pa yaṅ dag par rdzogs ’i byaṅ chub mṅon par rdzogs par saṅs rgyas pas khyod la ci źig bya | gaṅ la rgyun du źugs pa’i ’bras bu (7) mṅon sum du bya bar yod pa de la brtson par gyis śig | gaṅ la dgra bcom pa ñid kyi ’bras bu mṅon sum du bya bar yod pa de la brtson par gyis śig ces zer ba’i bdud kyi las de lta bu de dag de la mi rjod mi ston ciṅ | yaṅ dag par rtogs par mi byed pa de ni | byaṅ chub sems (70a1) dpa’ sems dpa’ chen po’i sdig pa’i grogs por rig par bya’o ||