śa ra dwa ti’i bu gźan yaṅ bdud sdig can dge sloṅ gi cha byad du bsgyur ciṅ | byaṅ chub sems dpa’ sems dpa’ chen po’i druṅ du ’oṅs nas | de la mig mi rtag ces bya bar dmigs pa’i tshul gyis (2) chos ston | de bźin du sdug bsṅal źes bya ba daṅ | bdag med ces bya ba daṅ | stoṅ źes bya ba daṅ | mtshan ma med ces bya ba daṅ | smon pa med ces bya ba daṅ | źi źes bya ba daṅ | dben źes bya ba daṅ | rnam par byaṅ źes bya ba daṅ | skye ba med ces bya ba daṅ | (3) ’gag pa med ces bya ba daṅ | dṅos po med ces bya bar dmigs pa’i tshul gyis chos ston | de bźin du ji ltar mig la sbyar ba de bźin du yid kyi bar la yaṅ rgya cher sbyar bar bya ste | de bźin du dran pa ñe bar gźag pa rnams mi rtag ces bya bar dmigs pa’i tshul gyis chos ston (4) ciṅ | de bźin du sdug bsṅal źes bya ba daṅ | bdag med ces bya ba daṅ | stoṅ źes bya ba daṅ | mtshan ma med ces bya ba daṅ | smon pa med ces bya ba daṅ | źi źes bya ba daṅ | dben źes bya ba daṅ | rnam par byaṅ źes bya ba daṅ | skye ba med ces bya ba daṅ | ’gag (5) pa med ces bya ba daṅ | dṅos po med ces bya bar dmigs pa’i tshul gyis chos ston pa daṅ | de bźin du sbyar te | saṅs rgyas kyi chos ma ’dres pa bcwa brgyad kyi bar du dmigs pa’i tshul gyis chos ston pa daṅ | de bźin du de bźin gśegs pa’i stobs bcu mi (6) rtag ces bya bar dmigs pa’i tshul gyis chos ston pa daṅ | de bźin du sdug bsṅal źes bya ba daṅ | bdag med ces bya ba daṅ | stoṅ źes bya ba daṅ | mtshan ma med ces bya ba daṅ | smon pa med ces bya ba daṅ | źi źes bya ba daṅ | dben źes bya ba daṅ | rnam (7) par byaṅ źes bya ba daṅ | skye ba med ces bya ba daṅ | ’gag pa med ces bya ba daṅ | dṅos po med ces bya bar dmigs pa’i tshul gyis chos ston pa’i bdud kyi las de lta bu de dag mi rjod mi ston ciṅ | yaṅ dag par rtogs par mi byed pa ’di ni | byaṅ chub sems dpa’ sems (70b1) dpa’ chen po’i sdig pa’i grogs por rig par bya ste | rig nas kyaṅ yoṅs su spaṅ bar bya’o ||