btsun pa bcom ldan ’das byaṅ chub sems dpa’ sems dpa’ chen (2) po thabs la mkhas pa gaṅ daṅ ldan na | dge ba’i bśes gñen gyis yoṅs su zin pa lags śiṅ sdig pa’i grogs po rnam par spaṅs pa lags | bcom ldan ’das kyis bka’ stsal pa | śa ra dwa ti’i bu gaṅ gi tshe byaṅ chub sems dpa’ sems dpa’ chen po bdag tu lta ba spaṅ ba’i (3) phyir sems can rnams la chos ston pa daṅ | de bźin du sems can du lta ba spaṅ ba’i phyir daṅ | skye ba por lta ba daṅ | srog tu lta ba daṅ | gso bar lta ba daṅ | gaṅ zag tu lta ba daṅ | śed las skyes daṅ | śed bu daṅ | byed du ’jug pa po daṅ | byed pa po daṅ | (4) gloṅ pa po daṅ | kun nas sloṅ ba po daṅ | tshor ba po daṅ | tshor bar byed pa po daṅ | śes pa po daṅ | mthoṅ ba por lta ba spaṅ ba’i phyir sems can rnams la chos ston pa daṅ | de bźin du chad pa daṅ | rtag par lta ba spaṅ ba’i phyir sems can rnams la chos ston pa daṅ | de (5) bźin du yod par lta ba daṅ | med par lta ba daṅ | phuṅ por lta ba daṅ | khams su lta ba daṅ | skye mched du lta ba daṅ | bden par lta ba daṅ | rten ciṅ ’brel bar ’byuṅ bar lta ba spaṅ ba’i phyir | sems can rnams la chos ston pa daṅ | de bźin du dran pa ñe bar gźag (6) pa rnams su lta ba nas | de bźin du sbyar te | ’phags pa’i lam yan lag brgyad pa’i bar du lta ba spaṅ ba’i phyir sems can rnams la chos ston pa daṅ | de bźin du de bźin gśegs pa’i stobs bcur lta ba spaṅ ba’i phyir sems can rnams la chos ston pa daṅ | de bźin du sbyar te | (7) saṅs rgyas kyi chos ma ’dres pa bcwa brgyad kyi bar du lta ba spaṅ ba’i phyir sems can rnams la chos ston pa daṅ | de bźin du sems can yoṅs su smin par bya bar lta ba daṅ | saṅs rgyas kyi źiṅ yoṅs su dag par bya bar lta ba daṅ | byaṅ chub tu lta ba daṅ | saṅs rgyas su lta ba (71a1) daṅ | chos kyi ’khor lo bskor bar lta ba spaṅ ba’i phyir sems can rnams la chos ston pa ste | śa ra dwa ti’i bu de ltar na byaṅ chub sems dpa’ sems dpa’ chen po dge ba’i bśes gñen gyis yoṅs su zin pa daṅ | sdig pa’i grogs po rnam par spaṅs pa yin no ||