btsun pa bcom (4) ldan ’das gal te byaṅ chub sems dpa’ sems dpa’ chen po lta ba’i rnam pa thams cad spaṅ ba’i slad du sems can rnams la chos ston lags na | bcom ldan ’das de ci’i slad du byaṅ chub sems dpa’ sems dpa’ chen po gzugs su lta bar ’gyur lags | de bźin du tshor bar lta (5) ba daṅ | ’du śes su lta ba daṅ | ’du byed du lta ba daṅ | rnam par śes par lta ba lags | de bźin du mig tu lta ba lags śiṅ | de bźin du sbyar te | yid kyi bar du lta ba lags | de bźin du gzugs su lta ba lags śiṅ | de bźin du sbyar te | chos kyi bar (6) du lta ba lags | de bźin du mig gi khams su lta bar ’gyur ba nas | de bźin du sbyar te | yid kyi rnam par śes pa’i khams kyi bar du lha ba lags | de bźin du gzugs kyi khams su lta bar ’gyur ba nas | de bźin du sbyar te | chos kyi khams kyi bar du lta ba lags | de (7) bźin du dran pa ñe bar gźag par lta ba nas | de bźin du sbyar te | ’phags pa’i lam yan lag brgyad pa’i bar du lta ba lags | de bźin du de bźin gśegs pa’i stobs bcur lta ba lags śiṅ | de bźin du sbyar te | saṅs rgyas kyi chos ma ’dres pa bcwa brgyad kyi bar du lta ba (71b1) lags | de skad ces gsol ba daṅ | bcom ldan ’das kyis tshe daṅ ldan pa śa ra dwa ti’i bu la ’di skad ces bka’ stsal to ||