śa ra dwa ti’i bu gźan yaṅ byaṅ chub sems dpa’ sems dpa’ chen po śes rab kyi pha rol tu phyin pa la (7) sbyoṅ ba ni | gzugs nas rnam par śes pa’i bar la sdug bsṅal źes bya bar gnas par byed ciṅ | kun tu śes la mṅon par źen pa daṅ | gzugs nas rnams par śes pa’i bar la bdag med ces bya bar gnas par byed ciṅ kun tu śes la mṅon par źen pa daṅ | (76b1) de bźin du gzugs nas rnam par śes pa’i bar la stoṅ źes bya bar gnas par byed ciṅ kun śes la mṅon par źen pa daṅ | de bźin du gzugs na rnam par śes pa’i bar la mtshan ma med ces bya bar gnas par byed ciṅ kun tu śes la mṅon par źen pa daṅ | de bźin du (2) gzugs nas rnam par śes pa’i bar la smon pa med tsas bya bar gnas par byed ciṅ kun tu śes la mṅon par źen pa daṅ | de bźin du gzugs nas rnam par śes pa’i bar la źi źes bya bar gnas par byed ciṅ | kun tu śes la mṅon par źen pa daṅ | de bźin du gzugs (3) nas rnam par śes pa’i bar la dben źes bya bar gnas par byed ciṅ kun tu śes la mṅon par źen pa daṅ | de bźin du gzugs nas rnam par śes pa’i bar la rnam par byaṅ źes bya bar gnas par byed ciṅ kun tu śes la mṅon par źen pa daṅ | de bźin du gzugs nas rnam (4) par śes pa’i bar la skye ba med ces bya bar gnas par byed ciṅ kun tu śes la mṅon par źen pa daṅ | de bźin du gzugs nas rnam par śes pa’i bar la ’gag pa med ces bya bar gnas par byed ciṅ kun tu śes la mṅon par źen pa daṅ | de bźin du gzugs la dṅos (5) po med ces bya bar gnas par byed ciṅ kun tu śes pa la mṅon par źen pa daṅ | rnam par śes pa’i bar la dṅos po med ces bya bar gnas par byed ciṅ kun tu śes la mṅon par źen pa ste | śa ra dwa ti’i bu de ni byaṅ chub sems dpa’ sems dpa’ chen po’i rjes su ’thun pa’i chos (6) la sred pa ste skyon yin no ||