śa ra dwa ti’i bu gźan yaṅ byaṅ chub sems dpa’ sems dpa’ chen po śes rab kyi pha rol tu phyin pa la spyod pa | thabs la mi mkhas pas khams rnams daṅ | dran pa (77b1) ñe bar gźag pa dag nas | ’phags pa’i lam yan lag brgyad pa’i bar daṅ | de bźin du bźin gśegs pa’i stobs bcu nas saṅs rgyas kyi chos ma ’dres pa bcwa brgyad kyi bar daṅ | de bźin du sbyar te | ji ltar phuṅ po dag gi skabs su sbyar ba bźin thams cad du rgya cher sbyar bar (2) bya ste | śa ra dwa ti’i bu de ltar na byaṅ chub sems dpa’ sems dpa’ chen po thabs la mi mkhas pas sṅar ṅes par ltuṅ ba yin źiṅ ñan thos daṅ | raṅ saṅs rgyas kyi sar rab tu ltuṅ ba la byaṅ chub sems dpa’i skyon med pa la yaṅ mi ’jug pa yin no ||