tshor ba (4) daṅ ’du śes daṅ ’du byed rnams daṅ | rnam par śes pas rlom sems su mi bya | mig gis rlom sems su mi bya | de bźin du rna ba daṅ | sna daṅ lce daṅ | lus daṅ yid kyis rlom sems su mi bya | gzugs rnams kyis rlom sems su mi bya | de bźin du sgra daṅ | (5) dri daṅ ro daṅ | reg bya daṅ | chos rnams kyis rlom sems su mi bya | mig gi khams kyis rlom sems su mi bya | gzugs kyi khams kyis rlom sems su mi bya | mig gi rnam par śes pa’i khams kyis rlom sems su mi bya | de bźin du sbyar te | yid kyi khams kyi bar gyis (6) rlom sems su mi bya | yid kyi rnam par śes pa’i khams kyi bar gyis rlom sems su mi bya | sbyin pa’i pha rol tu phyin pas rlom sems su mi bya | de bźin du tshul khrims kyi pha rol tu phyin pa daṅ | bzod pa’i pha rol tu phyin pa daṅ | brtson ’grus kyi pha rol tu phyin pa daṅ | bsam gtan (7) gyi pha rol tu phyin pa daṅ | śes rab kyi pha rol tu phyin pas rlom sems su mi bya | de bźin du bsam gtan daṅ | tshad med pa daṅ | gzugs med pa’i sñoms par ’jug pa rnams kyis rlom sems su mi bya | dran pa ñe bar gźag pa rnams kyis rlom sems su mi bya | de bźin du (78a1) sbyar te | ’phags pa’i lam yan lag brgyad pa’i bar gyis rlom sems su mi bya | de bźin du de bźin gśegs pa’i stobs bcus rlom sems su mi bya | de bźin du sbyar te | saṅs rgyas kyi chos ma ’dres pa bcwa brgyad kyi bar gyis rlom sems su mi bya’o ||