bźi gaṅ źe na | ’di (79a1) la byaṅ chub sems dpa’ sems dpa’ chen po rtun pa śes bźin can dran pa daṅ ldan pas mi dmigs pa’i tshul gyis ’jig rten la brnab sems daṅ | yid mi bde ba rnam par bsal nas | naṅ gi lus la lus kyi rjes su lta źiṅ gnas la | lus la brten pa’i rnam par rig pa (2) yaṅ mi skyed pa daṅ | de bźin du rtun pa śes bźin can dran pa daṅ ldan pas | mi dmigs pa’i tshul gyis ’jig rten la brnab sems daṅ | yid mi bde ba rnam par bsal nas | phyi’i lus la lus kyi rjes su lta źiṅ gnas la | lus la brten pa’i rnam par rig pa yaṅ mi skyed pa daṅ (3) de bźin du rtun pa śes bźin can dran pa daṅ ldan pas mi dmigs pa’i tshul gyis ’jig rten la brnab sems daṅ | yid mi bde ba rnam par bsal nas | naṅ daṅ phyi’i lus la lus kyi rjes su lta źiṅ gnas la | lus la brten pa’i rnam par rig pa yaṅ mi skyed pa daṅ | de bźin du (4) rtun pa śes bźin can dran pa daṅ ldan pas | mi dmigs pa’i tshul gyis ’jig rten la brnab sems daṅ | yid mi bde ba rnam par bsal nas | naṅ gi tshor ba rnams daṅ | phyi’i tshor ba rnams daṅ | phyi naṅ gi tshor ba rnams la tshor ba’i rjes su lta źiṅ gnas la | tshor ba la (5) brten pa’i rnam par rig pa yaṅ mi skyed pa daṅ | de bźin du rtun pa śes bźin can dran pa daṅ ldan pas mi dmigs pa’i tshul gyis ’jig rten la brnab sems daṅ | yid mi bde ba rnam par bsal nas | naṅ gi sems rnams daṅ | phyi’i sems rnams daṅ | phyi naṅ gi sems rnams la (6) sems kyi rjes su lta źiṅ gnas la | sems la brten pa’i rnam par rig pa yaṅ mi skyed pa daṅ | de bźin du rtun pa śes bźin can dran pa daṅ ldan pas mi dmigs pa’i tshul gyis ’jig rten la brnab sems daṅ | yid mi bde ba rnam par bsal nas | naṅ gi chos rnams daṅ | phyi’i (7) chos rnams daṅ | phyi naṅ gi chos rnams la chos kyi rjes su lta źiṅ gnas la | chos la brten pa’i rnam par rig pa yaṅ mi skyed pa’o || ||